Нақши пул дар ҳаёти ҷомеа ва қоидаҳои идоракунии он

ДУШАНБЕ, 04.04.2017 /АМИТ «Ховар»/. Бо мақсади баланд бардоштани маърифати молиявии шаҳрвандон Бонки миллии Тоҷикистон дар ҳамоҳангӣ бо Фонди хазинаи амонатӣ ва муносибатҳои байналмилалии Олмон, Вазорати маориф ва илми Ҷумҳурии Тоҷикистон дар гимназияи №53-и шаҳри Душанбе дар мавзӯи «Такмили маърифати молиявии аҳолӣ» семинари машваратӣ баргузор намуд. Дар ин бора аз Бонки миллӣ хабар доданд.
Ҳадафи семинар баланд бардоштани маърифати молиявӣ ва ҷалби таваҷҷуҳи бештари хонандагон ба омӯзиши донишҳои молиявӣ ба ҳисоб меравад.
Зимни семинар ба иштирокдорон дар мавзӯъҳои нақши пул дар ҳаёти ҷомеа, қоидаҳои идоракунии пул, банақшагирии молиявӣ ва буҷети оила, таваррум ва таъсири он ба имкониятҳои хонавода, усулҳои пасандозкунӣ ва идоракунии хавфҳои он ва нақши хонавода дар рушди иқтисодиёт дарсҳои омӯзишӣ гузаронида шуд.