Ғолибони озмуни ҷаҳонии «Пайванди забони чинӣ» муайян шуданд
ДУШАНБЕ, 26.04.2017 /АМИТ «Ховар»/. Дар Донишкадаи давлатии забонҳои Тоҷикистон ба номи Сотим Улуғзода байни донишҷӯён давраи 16-уми озмуни ҷаҳонии забони чинӣ таҳти унвони «Пайванди забони чинӣ» баргузор гардид.
Тавре аз донишкадаи мазкур хабар доданд, дар маросими ифтитоҳи озмун Маҳмадулло Раҷабзода, ректори Донишкадаи давлатии забонҳои Тоҷикистон ба номи Сотим Улуғзода, мутахассисони Маркази Конфутсияи назди Донишгоҳи миллии Тоҷикистон ва устодону донишҷӯёни донишкада иштирок намуданд.
Зикр гардид, ки озмуни ҷаҳонии забони чинӣ таҳти унвони «Пайванди забони чинӣ» барои баланд бардоштани завқи донишҷӯён нисбат ба омӯзиши ин забон ҳамасола дар сатҳи баланд таҷлил карда мешавад.
Донишҷӯён дар озмун бо шартҳои наттоқӣ, сурудхонӣ, расмкашӣ ва муколама бо забони чинӣ иштирок карда, ҳунару истеъдоди худро дар назди доварон нишон доданд. Фарзона Самиева, донишҷӯйи соли сеюми шуъбаи забони чинӣ сазовори ҷои якум гардида, иштирокдорон бо ифтихорнома ва туҳфаҳо сарфароз гардонида шуданд.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
