«Шоҳзодаи Миср бо 10 шер»-бори аввал дар Тоҷикистон
ДУШАНБЕ, 06.04.2017 /АМИТ «Ховар»/. 8 апрели соли 2017 дар «Қасри варзиш»-и шаҳри Хуҷанд намоиши Сирки Москва оғоз мегардад.
Сирки давлатии Россия якҷоя бо Сирки миллии Миср намоиши ҷаззоберо таҳти унвони «Шоҳзодаи Миср бо 10 шер» пешкаши ҳаводорони сирк мегардонанд.
Дар ин бора аз Вазорати фарҳанги Ҷумҳурии Тоҷикистон хабар доданд.
Ба иттилои манбаъ, барои сокинон ва меҳмонони шаҳри Хуҷанд ин аввалин намоиши сиркӣ дар даврони соҳибистиқлолии Тоҷикистон мебошад. Ромкунандаи машҳури шерҳо Хамада Кутаи мисринажод бошад умуман ба Тоҷикистон бори аввал меояд. Мухлисони сирк метавонанд барномаи ҷолиби ҳунармандони сиркро то 23 апрели соли 2017 тамошо кунанд.
«Барномаи сиркӣ бо иштироки масхарабозон, дорбозон, акробатҳо ва каскадёрон аз ду қисм иборат аст. Намоишҳои «Чархи марг» ва «Мото-курра», инчунин ҳунарнамоии шербоз Хамада Кута бо тахаллуси «Шоҳзодаи Миср» барои бинандагони тоҷик саҳнаҳои комилан навро пешниҳод месозанд, ки баъзеашон ба китоби рекордҳои Гиннес ворид карда шудаанд»,-иттилоъ доданд дар Вазорати фарҳанги Тоҷикистон.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
