Сокинони шаҳри Ваҳдат бо гумони дуздии маблағ ва ҷавоҳироти тиллоӣ дастир шуданд

ДУШАНБЕ, 06.04.2017 /АМИТ «Ховар»/. Вазорати корҳои дохилии Ҷумҳурии Тоҷикистон аз ошкор шудани як ҷинояти дуздӣ дар ҳаҷми калон, ки дар он сокинони шаҳри Ваҳдат даст доранд, хабар медиҳад.
Ба иттилои манбаъ, ба мақомоти милитсия зани 43-солаи сокини шаҳри Ваҳдат оид ба ҳодисаи дуздӣ муроҷиат намудааст, ки 3 апрели соли 2017 шахси номаълум пинҳонӣ аз хонаи истиқоматиаш 58 ҳазор рубли русӣ, 1 ҳазору 800-сомонӣ, ҳуҷҷатҳои манзили истиқоматӣ ва ҷавоҳироти тиллоӣ ба маблағи 34 ҳазору 900 сомониро дуздида, аз ҷойи ҳодиса ғайб задааст.
Дар натиҷаи гузаронидани чорабиниҳои фаврӣ-ҷустуҷӯӣ оид ба ҷинояти дуздии моликияти шахсӣ муайян карда шуд, ки ин ҷиноятро ду нафар ҷавони 23 ва 24-солаи сокинони шаҳри Ваҳдат содир намудаанд. «Гумонбаршудагон аз ҷониби ed-treatment-info.com милитсия дастгир гардида, нисбат ба онҳо парвандаи ҷиноятӣ оғоз шудааст. Тафтишот дар ин самт идома дорад»,-иттилоъ доданд аз Вазорати корҳои дохилӣ.