Тарғиби муҳаббат ба касб дар байни курсантони Академия
ДУШАНБЕ, 26.04.2017. /АМИТ «Ховар»/. Дар факултети №4-и Академияи Вазорати корҳои дохилии Ҷумҳурии Тоҷикистон дар шаҳри Хуҷанд вохӯрии сардори Раёсати ВКД дар вилояти Суғд генерал-майор Шариф Назарзода бо ҳайати омӯзгорон ва курсантон доир гардид.
Тавре аз Вазорати корҳои дохилӣ хабар доданд, дар вохӯрӣ оид ба паҳлӯҳои гуногуни ҳаёти ҷавонон, муносибат бо ҷомеа, донишомӯзӣ, интихоби касб, нозукиҳои тахассусии фаъолият дар мақомоти корҳои дохилӣ суҳбати озоду самимӣ доир гардид.
«Омӯзиши пайваста, ҷисману рӯҳан обутобёфта, нотарсию далерӣ, пуртоқатӣ ва муҳаббат ба касб аз сифатҳои фардие мебошанд, ки ба корманди милитсия хос аст ва нафаре, ки дорои чунин хислат нест, милитсионери касбӣ шуда наметавонад»,-иброз дошт Ш. Назарзода.
Ҳамзамон аз иқтидори моддии ВКД ва шароити фароҳамгардидаи ниҳод сухан рафта, воқеияти фарқкунандаи имрӯз бо солҳои қаблӣ муқоиса карда шуд. Изҳори умед карда шуд, ки нигоҳдории чунин ободӣ ва пояндагии амнияту суботро дар оянда насли ҷавони милитсия баъди хатми Академияи ВКД ба уҳда гирифта, ин касби пуршарафро идома хоҳанд дод.
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
Имрӯз дар баъзе ноҳияҳои Тоҷикистон чангу ғубор ба амал меояд
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
