«Мо, ҷавонон пайрави Пешвои миллатем»- роҳпаймоии автомобилӣ дар ноҳияи Тоҷикобод

ТОҶИКОБОД, 18.05.2017. /АМИТ «Ховар»/. Дар ноҳияи Тоҷикобод бо ташаббуси  раиси ноҳия  Нодираи Маҳмадисо таҳти унвони «Мо, ҷавонон пайрави Пешвои миллатем!» роҳпаймоии автомобилӣ доир  гардид,  ки дар он зиёда  аз сад нафар ҷавонони фаъол аз  ташкилоту муассисаҳои ноҳия  иштирок намуданд. Ҷавонон зимни роҳпаймоӣ маъюбон, собиқадорони ҷангу меҳнат, пирони рӯзгордида ва дигар табақаҳои ниëзмандро  аëдат намуда, ба онҳо туҳфаҳои Мақомоти иҷроияи ҳокимияти давлатии  ноҳияро супориданд. Дар ин бора аз Мақомоти иҷроияи ҳокимияти давлатии ноҳия ба хабарнигори АМИТ «Ховар» иттилоъ доданд.

Мақсад аз баргузории  роҳпаймоӣ- дар фазои сулҳу оромӣ ва субот амалӣ намудани  беҳтарин суннату анъанаҳои миллати тоҷик мебошанд, ки онҳо имрӯз бо тарҳи наву хосса ва мутобиқ ба падидаҳои даврони соҳибистиқлолии кишвар инъикос мешаванд.