Ян-Петер Олтерс: «Бонки ҷаҳонӣ барои татбиқи Стратегияи миллии рушди Ҷумҳурии Тоҷикистон барои давраи то соли 2030 саҳм мегузорад»
ДУШАНБЕ, 18.05.2017 /АМИТ «Ховар»/. «Бонки ҷаҳонӣ барои дар амал татбиқ шудани Стратегияи миллии рушди Ҷумҳурии Тоҷикистон барои давраи то соли 2030 саҳм хоҳад гузошт», — гуфт пас аз мулоқот бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Намояндаи нави доимии Бонки ҷаҳонӣ дар Тоҷикистон Ян-Петер Олтерс.
Ян-Петер Олтерс таъкид намуд, ки дар ҷараёни мулоқот бо Президенти Тоҷикистон Эмомалӣ Раҳмон масъалаи оғози марҳилаҳои нави омодасозии стратегияи миёнамуҳлати ҳамкорӣ бо Ҷумҳурии Тоҷикистонро, ки аз ҷониби Бонки ҷаҳонӣ омода шуда истодааст, мавриди баррасӣ қарор доданд.
Ба гуфти Ян-Петер Олтерс, дар мулоқот масъалаҳои афзалятноки миёнамуҳлат ва дарозмуҳлат баррасӣ гардиданд, ки яке аз онҳо таъмин намудани истиқлолияти энергетикии Тоҷикистон мебошад. Дигар самти муҳим- ин беҳтар намудани фазои соҳибкорӣ аст, то бахши хусусӣ тавонад дар амалӣ намудани лоиҳаҳои сармоягузорӣ, истифода ва ворид намудани технологияи нави муосир саҳми худро гузорад.
«Бонки ҷаҳонӣ омода аст, ки бо тамоми мақомоти давлатӣ, бонкҳо ва сохторҳои хусусии Ҷумҳурии Тоҷикистон ҳамкорӣ намояд»,- гуфт дар анҷом Ян-Петер Олтерс.
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
