Дар Хоруғ бинои Ҷамоати шаҳраки ба номи Шириншоҳ Шоҳтемур ифтитоҳ гардид
ДУШАНБЕ, 28.06.2017 /АМИТ «Ховар»/. Субҳи 27 июн дар доираи амалисозии дастуру ҳидоятҳои Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати вусъати корҳои ободониву созандагӣ ва ба ифтихори 20-умин солгарди ҷашни Ваҳдати миллӣ дар маҳаллаи Хоруғи болои шаҳри Хоруғ бинои Ҷамоати шаҳраки ба номи Шириншоҳ Шоҳтемур мавриди баҳрабардорӣ қарор дода шуд.
Тавре ба АМИТ «Ховар» аз Мақомоти иҷроияи ҳокимияти давлатии ВМКБ хабар доданд, зимни ифтитоҳи бинои навбунёд Раиси ВМКБ Шодихон Ҷамшед изҳор дошт, ки сол то сол бо маблағгузориҳои Ҳукумати Ҷумҳурии Тоҷикистон бунёд ва мавриди истифода қарор додани даҳҳо иншооти гуногун дар шаҳру ноҳияҳои вилоят аз таваҷҷуҳи рўзафзуни Пешвои миллат ҷиҳати рушди босуботи манотиқи дурдасти кишвар гувоҳӣ медиҳад.
Таъкид гардид, ки таъсиси ду ҷамоати шаҳрак бо 30 воҳиди корӣ дар маркази вилоят шаҳодати амалисозии яке аз ҳадафҳои сиёсати иҷтимоии Ҳукумати мамлакат-таъмини хаёти шоиста барои ҳар шаҳрванд аст. Зеро минбаъд сокинони қисмати Ҷамоати шаҳраки ба номи Шириншоҳ Шоҳтемур имкон доранд, як қисми масоили ҳалталаби рўзгори худро бо муроҷиат ба зинаи аввали ҳокимияти маҳаллӣ-ҷамоати шаҳрак ҳал намоянд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
