Вазири корҳои хориҷии Швейтсария Дидйе Буркхалтер: «Тоҷикистониҳо тавонистанд дар ЭКСПО-2017 тамоми ҷаззобияти кишвари зебои кӯҳиро нишон диҳанд»
ДУШАНБЕ, 21.06.2017 /АМИТ «Ховар»/. Ҳайати Ҳукумати Швейтсария таҳти роҳбарии Вазири корҳои хориҷии ин кишвар Дидйе Буркхалтер аз гӯшаи (павилйони) Ҷумҳурии Тоҷикистон дар Намоишгоҳи байналмилалии махсусигардонидашудаи «ЭКСПО-2017» дар Остона дидан кард.
Дар ин бора ба АМИТ «Ховар» аз Палатаи савдо ва саноати Ҷумҳурии Тоҷикистон хабар доданд.
Директори Гӯшаи Ҷумҳурии Тоҷикистон Одил Сангов ба таваҷҷуҳи меҳмонон навори видеоиеро бо шарҳи ташаббусҳои ҷаҳонии Ҷумҳурии Тоҷикистон дар соҳаи об пешкаш намуд. Зикр гардид, ки Тоҷикистон яке аз марказҳои пешбари «дипломатия дар соҳаи об» дар ҷаҳон маҳсуб мешавад. Нақши Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар барномаҳои СММ оид ба масъалаҳои об махсус таъкид гардид. Ҳамчунин ба ташаббуси ҷаҳонии нави Тоҷикистон Даҳсолаи байналмилалии амал «Об барои рушди устувор», солҳои 2018-2028 таваҷҷуҳи махсус зоҳир карда, иттилоъ дода шуд, ки бо дастгирии СММ дар Душанбе як зумра чорабиниҳои байналмилалии сатҳи ҷаҳонӣ бахшида ба масъалаи об баргузор гардиданд.
Одил Сангов иқтидори гидроэнергетикии Тоҷикистонро ба намоиш гузошта, дар бораи захираҳои оби мамлакат маълумот дод. Аз ҷумла зикр гардид, ки аз рӯи ҳаҷми захираҳои об Ҷумҳурии Тоҷикистон дар ҷаҳон ҷои 3-юм ва дар ҳудуди ИДМ ҷои 2-юмро ишғол мекунад. Захираҳои умумии солонаи гидроэнергетикии Тоҷикистон 600 миллиард киловатт/соат-ро ташкил медиҳанд.
Ба меҳмонон ҳамчунин дар бораи Барномаи комплексии мақсаднок доир ба истифодабарии васеи манбаъҳои барқароршавандаи энергия ва дурнамои рушди энергияи офтобӣ маълумот дода шуд.
Дидйе Буркхалтер бо экспозитсияи Тоҷикистон батафсил шинос шуда, чунин зикр кард: «Тоҷикистониҳо тавонистанд дар ЭКСПО-2017 тамоми ҷаззобияти кишвари зебои кӯҳиро нишон диҳанд. Швейтсария ва Тоҷикистон аз бисёр ҷиҳат, аз ҷумла аз ҷиҳати табиати нотакрори кӯҳӣ, дарёҳои пурмавҷ, кӯлҳо, манбаъҳои обҳои шифобахш ва олами набототу ҳайвонот ба ҳам монанд мебошанд».
Ӯ ҳамчунин хотироти худро дар Китоби меҳмонони фахрӣ қайд карда, аз ҷумла, чунин нигошт: «Дар Павилиони Тоҷикистон зебогии кушвари кӯҳи ба пуррагӣ нишон дода шуда, иқтидори он инъикос ёфтааст. Ман дар шаҳри Душанбе будам, дарҳақиқат пойтахти Тоҷикистон бисёр зебо аст ва ботадриҷ рушд мекунад».
Ёдовар мешавем, ки Намоишгоҳи байналмилалии махсусгардонидашудаи «ЭКСПО-2017» дар Остона аз 10 июн то 10 сентябр ҷараён хоҳад дошт. Дар доираи ин чорабинӣ дастовардҳои нави илм дар соҳаи рушди «энергияи сабз» ба намоиш гузошта мешаванд.
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
