Аҳтам Абдуллозода: «Марҳилаи сеюми Фестивали намудҳои миллии варзиш дар Душанбе бо шаҳомати хосса доир мегардад»
ДУШАНБЕ, 13.07.2017 /АМИТ «Ховар»/. Имрӯз Кумитаи кор бо ҷавонон ва варзиши назди Ҳукумати Ҷумҳурии Тоҷикистон оид ба ҷамъбасти нимсолаи аввали соли равон ба хабарнигорон гузориш дод.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода иброз дошт, ки варзиш як рукни муҳими фарҳанги миллат ба ҳисоб рафта, дар доираи он тарбия намудани насли наврас барои халқи тоҷик бениҳоят муҳим аст.
Ба гуфтаи номбурда, варзиши миллӣ аз қадим то ба имрӯз дорои мантиқ ва фалсафаи бой мебошад.
«Ба хотири аз байн нарафтани варзиши миллӣ аз оғози соли 2017 Фестивали намудҳои миллии варзиш аз сари нав ба нақша гирифта шуда, зери роҳбарии Раиси шаҳри Душанбе Рустами Эмомалӣ марҳилаи якуми он дар арафаи ҷашни Наврӯз байни деҳаҳо баргузор гардид. Марҳилаи дуюм бошад дар арафаи Рӯзи Ваҳдати миллӣ байни ноҳия ва шаҳрҳои минтақаҳо доир гардида, тими мунтахаби минтақаҳои кишвар барои иштирок дар марҳилаи сеюми Фестивал муайян гардид»,-гуфт Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
Ҳамчунин номбурда зикр кард, ки имрӯз Кумитаи кор бо ҷавонон ва варзиши назди Ҳукумати Ҷумҳурии Тоҷикистон кӯшиш ба харҷ медиҳад, ки марҳилаи сеюми Фестивали намудҳои миллии варзиш дар шаҳри Душанбе бо як шаҳомати хосса доир гардад.
Дар Фестивали намудҳои миллии варзиш аз рӯи 8 намуди варзиш мусобиқа ва аз рӯи 12 намуди варзиш намоиши варзишӣ барои ҳаводорони намудҳои миллии варзиш ба нақша гирифта шудааст.
«Мо тасмим гирифтаем, ки дар оянда Фестивали намудҳои миллии варзишро дар тақвим ҷойгир кунем ва ҳамасола онро баргузор намоем», — иброз дошт Аҳтам Абдуллозода.
Имрӯз дар Тоҷикистон ҳаво то 35 дараҷа гарм мешавад
Ҳасани Чупонӣ: «Президенти Тоҷикистон тавонист ҷомеаи ҷаҳониро барои ҳалли мушкилоти глобалӣ ҷамъ оварад»
Мавзеъҳои зебои Тоҷикистон дар ҳамоиши байналмилалии «Чин-Осиёи Марказӣ» муаррифӣ карда мешаванд
Дар ҷаласаи Шурои ҷамъиятии Ҷумҳурии Тоҷикистон татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ» баррасӣ шуд
Имрӯз дар шаҳри Душанбе ҳаво то 29 дараҷа гарм мешавад
ТАҚВИМИ АМИТ «ХОВАР»: имрӯз 31 май, шанбе, 151-умин рӯзи соли 2025 аст
Дар Донишкадаи саноат ва хизматрасонӣ оид ба рушди иқтисоди рақамӣ ва инноватсия ҳамоиш доир шуд
Имрӯз дар баъзе ноҳияҳои Тоҷикистон борони кӯтоҳмуддат меборад
Истгоҳи «Ваҳдат»-и Роҳи оҳани Тоҷикистон баъд аз навсозии пурра ба истифода дода шуд
«Саёҳати бузург тавассути Осиёи Марказӣ». Сафари иттилоотии намояндагони ВАО-и Чин ва Осиёи Марказӣ дар Тоҷикистон оғоз шуд
Кирмакпарварони шаҳри Турсунзода зиёда аз 3 тоннаю 800 килограмм пиллаи хушсифат истеҳсол намудаанд
Дар ҷаласаи Шурои роҳбарони мақомоти гумрук дурнамои Созмони ҳамкории иқтисодӣ рӯнамоӣ гардид
