Агентии обуҳавошиносии Тоҷикистон: дар баъзе минтақаҳои кишвар гармии ҳаво ба 40 дараҷа мерасад

ДУШАНБЕ, 18.07.2017 /АМИТ «Ховар»/. Имрӯз, 18 июл дар ҷумҳурӣ ҳаво тағйирёбанда боқӣ монда, дар баъзе минтақаҳо ҳарорати ҳаво 40 дараҷаро ташкил медиҳад.

Мувофиқи маълумоти мутахассисони Агентии обуҳавошиносии Тоҷикистон, дар Вилояти Мухтори Кӯҳистони Бадахшон ҳаво тағйирёбанда шуда, боридани борони кӯтоҳмуддат пешгӯӣ мешавад. Ҳарорат дар ғарби вилоят 29-34 дараҷа ва дар шарқи он  17-22 дараҷаро ташкил медиҳад. Дар вилояти Хатлон дар водиҳо 35-40 дараҷа гарм мешавад. Дар вилояти Суғд ҳавои тағйирёбанда ва раъду барқ пешгӯӣ шуда, ҳаво 33-38 дараҷа гарм мешавад.

Дар ноҳияҳои тобеи марказ ҳаво абрнок гардида, дар баъзе ҷойҳо боридани борони кӯтоҳмуддат дар назар аст. Ҳарорат дар водиҳо ба 33-38 дараҷа мерасад. Дар шаҳри Душанбе ҳаво қисман абрнок шуда, ҳарорат 36 – 38 дараҷаро ташкил медиҳад.