Бар асари омадани сел дар Дарвоз 19 хона зери об монд
ДУШАНБЕ, 10.07.2017 /АМИТ «Ховар»/. Бар асари селе, ки аз қаламрави Афғонистон ворид шуд, дар як рустои ноҳияи Дарвоз 19 хона зери об монда, 800 метр роҳи Душанбе -Хоруғ хароб гардид.
Тавре ба АМИТ «Ховар» аз Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар доданд, шоми рӯзи шанбе, 8 июл аз он сӯи рӯдхонаи Панҷ дар деҳаи Рованаки вулусволии Дарвози Ҷумҳурии Исломии Афғонистон сел ҷорӣ шуда, маҷрои дарёи Панҷро баст ва кӯли сунъии калонеро ба вуҷуд овард. Ҳамчунин 800 метр роҳ дар 319 километраи шоҳроҳи Душанбе-Хоруғ зери об монда ҳаракати мошинҳо ба ду самт мутаваққиф гардид.
Ба иттилои манбаъ, 8 июл гурӯҳи фаврӣ созмон дода шуда, ба ноҳияи Дарвоз сафарбар гардиданд, то вазъро санҷида, ба зарардидагон кумаки ҳамаҷониба расонанд. «Зарардидагон ба ҷойи амну бехатар интиқол дода шуданд ва дар айни замон бо ғизои гарм таъмин карда мешаванд. Ситоди доимамалкунанда созмон дода шуда, масъалаи кумакҳои аввалияи ба зарардидагон дар ҳоли ҳал шудан аст»,- зикр намуд манбаъ.
Ҳоло барои роҳандозии корҳои барқарорсозӣ, тоза кардани роҳи масдудшуда техникаҳои Хадамоти техникии Вазорати нақлиёти Ҷумҳурии Тоҷикистон ҷалб карда шудаанд. Корҳои тоза кардани оқибатҳои сел шурӯъ шуда, корҳои соҳилбандӣ идома доранд. То боз шудани ин роҳ ҳаракати мошинҳои мусофирбару боркаш ба воситаи ағбаи Хобурубот ба роҳ монда мешавад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
