Беш аз 38 фоизи кормандони «Амонатбонк»-ро занҳо ташкил медиҳанд
ДУШАНБЕ, 19.07.2017 /АМИТ «Ховар»/. Роҳбарияти Бонки давлатии амонатгузории «Амонатбонк» ба ҷалби кадрҳои масъулиятноку баландихтисос, махсусан аз ҳисоби занон ва ҷавонон таваҷҷуҳи хоса зоҳир мекунад. Дар айни замон дар «Амонатбонк» 958 нафар занон фаъолият доранд, ки ин нисбат ба ҳамин давраи соли сипаригардида 52 нафар зиёд аст. Ин суханонро роҳбарияти Бонк зимни нишасти матбуотии БДА «Амонатбонк» ба хабарнигорон баён намуд.
Бино ба иттилои Раиси Раёсати БДА «Амонатбонк» Руҳулло Ҳакимзода, имрӯз 38,9 фоизи шумораи умумии кормандони соҳибтахассусро занон ташкил медиҳанд, ки аз ин шумора 25 нафар дар сатҳи роҳбарикунанда фаъолият доранд.
Иттилоъ дода шуд, ки дар ин муддат 65 нафар духтарон баъди хатми донишгоҳҳои олии кишвар тавассути озмун дар Бонк ба кор қабул карда шуданд. Ҳамчунин 7 нафар аз кормандони Бонк дар хориҷи кишвар барои таҷрибаомӯзӣ сафарбар гардиданд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
