Дар Душанбе масъалаҳои гумрукӣ байни Тоҷикистону Латвия баррасӣ гардиданд
ДУШАНБЕ, 04.07.2017 /АМИТ «Ховар»/. Дар Душанбе тақвияти ҳамкорӣ байни мақомоти гумруки Тоҷикистон ва Латвия дар меҳвари мулоқоти сардори Хадамоти гумруки назди Ҳукумати Ҷумҳурии Тоҷикистон Абдуфатоҳи Ғоиб ва Сафири Ҷумҳурии Латвия дар Ҷумҳурии Тоҷикистон бо намояндагӣ дар шаҳри Тошканд Эдгарс Бондарс қарор дошт.
Тавре ба АМИТ «Ховар» аз Хадамоти гумруки назди Ҳукумати Ҷумҳурии Тоҷикистон хабар доданд, дар мулоқот мусоҳибон масъалаҳои марбут ба таҳкими ҳамкорӣ байни Хадамоти гумруки Тоҷикистон ва Хадамоти даромади давлатии Латвияро баррасӣ намуданд. Таъкид гардид, ки Хадамоти даромади давлатии Ҷумҳурии Латвия бо мақсади баланд бардоштани самаранокии чораҳои пешгирии қоидавайронкунӣ дар соҳаи гумрук ҳангоми гузаронидани амалиёти убурӣ (транзит), ҳамчунин таҳкими густариши робитаҳо миёни Хадамоти гумруки Латвия ва Тоҷикистон лоиҳаи муштараки «Идоракунии самараноки хавфҳои гумрукӣ ҳангоми иҷрои назорати боэътимоди гумрукӣ» — ро омода намудааст.
Ба иттилои манбаъ, лоиҳаи мазкурро сардори Хадамоти гумруки Тоҷикистон қобили қабул донист.
Бояд тазаккур дод, ки гардиши мол байни Тоҷикистон ва ин кишвари соҳили Балтика- Латвия дар соли гузашта 6,3 миллион долларо ташкил дод, ки ин омор дар қиёс ба соли 2015 беш аз ду маротиба коҳиш ёфтааст.
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
