Дар сӯхтори «Хона-интернати беморони рўҳӣ»-и ноҳияи Ҳисор ягон нафар ба ҳалокат нарасидааст
ДУШАНБЕ, 01.07.2017 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабари заҳролудшавии 20 нафар дар натиҷаи сӯхтор дар Муассисаи давлатии «Хона-интернати беморони рўҳӣ»-и ноҳияи Ҳисорро рад намуда, ба иттилои сокинон мерасонад, ки ин хабар ягон асоси воқеӣ надорад.
Бояд гуфт, ки ин хабари беасос дар сомонаи Радиои Озодӣ аз номи Идораи оташнишонии шаҳри Ҳисор нашр гардида буд.
Дар робита ба ин ҳодиса Вазорати корҳои дохилии кишвар ба АМИТ «Ховар» хабар дод, ки сӯхтор дар Хона-интернати беморони рўҳӣ 29 июн соати 21:48 дақиқа ба амал омада, дар натиҷаи он ягон нафар шаҳрванд ба ҳалокат нарасидааст. Ҷароҳати сӯхтани бадан низ ба қайд гирифта нашудааст.
Ба иттилои манбаъ, ҳангоми сар задани сӯхтор ба ҷои ҳодиса ду нақлиёти оташнишонӣ сафарбар карда шуда, сӯхтор сари вақт ба пуррагӣ хомӯш гардид.
Сабаби сар задани сӯхторро Вазорати корҳои дохила дар расиши кӯтоҳи ноқилҳо дар хомушкунаки барқӣ арзёбӣ намуданд.
Имрӯз дар ноҳияҳои доманакӯҳӣ Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
