Дарвоз: бар асари аз кор мондани муҳаррик қаиқ чаппа ва се нафар дар дарё ғарқ шуданд
ХОРУҒ, 17.07.2017 /АМИТ «Ховар»/. Дар натиҷаи чаппа шудани қаиқи муҳаррикдор дар деҳаи Ширговади ноҳияи Дарвоз се нафар ба шумули кормандони ниҳодҳои низомию дохилӣ ва духтарчаи 10-сола ғарқ шуданд.
Ба гуфтаи сардори Ситоди ҳолатҳои фавқулодаи Вилояти Мухтори Кӯҳистони Бадахшон Наим Мираков, чун қаиқ як метр аз соҳил дур шуд, муҳаррикаш аз кор монд ва қаиқрон дигар натавонист онро идора кунад. Аз 7 нафар 4 нафарашон наҷот ёфтанд, аммо ҷустуҷӯи се нафар ҳанӯз идома дорад.
Ёдовар мешавем, ки 8 июли соли равон баъди ҷорӣ шудани сел дар деҳаи Дехои вулусволии Дарвози Ҷумҳурии Исломии Афғонистон маҷрои дарёи Панҷ баста шуда, сатҳи оби он баланд гардид ва 800 метр қитъаи роҳи мошинагарди Кӯлоб-Қалъаи Хумб-Хоруғ дар деҳаи Ширговади ҷамоати Нулванд зери об монд. Бинобар ин иддае аз мусофирон ба воситаи пайроҳаи кӯҳӣ ин қитъаи роҳро убур мекарданд ва гурӯҳи дигар аз хизмати қаиқи муҳаррикдор истифода менамуданд.
12 август дар Донишкадаи тиббӣ-иҷтимоӣ, Филиали Донишкадаи рушди менеҷменти Сингапур ва Мақомоти иҷроияи ҳокимияти давлатии ноҳияи Нуробод нишасти матбуотӣ баргузор мегардад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
«МЕЪМОР-2026». Озмуни ҷумҳуриявии беҳтарин лоиҳаҳои меъморӣ ва шаҳрсозӣ ҷамъбаст шуд
Имрӯз дар шаҳри Душанбе ҳаво то 39 дараҷа гарм мешавад
Дар Тоҷикистон истеҳсоли равғани растанӣ зиёд гардидааст
Имрӯз дар водиҳои Тоҷикистон ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
