«Кайҳон» дарҳояшро ба рӯи кӯдакон боз намуд
ДУШАНБЕ, 03.07.2017 /АМИТ «Ховар»/. Беш аз 100 нафар фарзандони кормандони Ҷамъияти саҳҳомии кушодаи Фурудгоҳи байналмилалии Душанбе таътили худро дар лагери тобистонаи «Кайҳон», ки дар дараи зебоманзар ва хушбодуҳавои Ромит воқеъ аст, мегузаронанд.
Инчунин дар лагери «Кайҳон» дар радифи фарзандони кормандони ҶСК Фурудгоҳи байналмилалии Душанбе 15 нафар тарбиятгирандагони Хона –интернати ноҳияи Шаҳринав ба таври ройгон ба истироҳат фаро гирифта шудаанд.
Дар маросими ифтитоҳи мавсими нави лагери тобистонаи «Кайҳон» раиси Иттифоқи касабаи ҶСК Фурудгоҳи байналмилалии Душанбе Гулчеҳра Ҷалолова иштирок намуда, аз номи роҳбарият наврасонро ба мавсими нави истироҳат табрик намуда, ба онҳо истироҳати хуш таманно намуд.
Назар ба иттилои котиби матбуотии ҶСК Фурудгоҳи байналмилалии Душанбе Ҷамила Ҳусейнова, дар лагери тобистонаи «Кайҳон» тамоми шароит барои истироҳату фароғати кӯдакону наврасон фароҳам оварда шудааст. Кӯдакону наврасон дар як рӯз чор маротиба бо хӯроки гарм таъмин гардида, барои хушу гуворо гузаштани таътили тобистонаи бачаҳо бозиҳои гуногуни шавқовари варзишӣ, оббозӣ ва барномаҳои фарҳангӣ ташкил карда мешаванд.
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
