КВД «Хоҷагии манзилию коммуналӣ»: «Барои бо сифати хубтар ба роҳ мондани хизматрасониҳои коммуналӣ 800 адад техникаи махсус лозим аст»
ДУШАНБЕ, 13.07.2017 /АМИТ «Ховар»/. Имрӯз дар Корхонаи воҳиди давлатии «Хоҷагии манзилию коммуналӣ» оид ба ҷамъбасти натиҷаҳои фаъолият дар нимсолаи аввали соли 2017 бо иштироки намояндагони воситаҳои ахбори омма нишасти матбуотӣ доир гардид.
Дар нишаст муовини якуми директори генералии корхонаи мазкур Равшан Тӯйчизода зикр кард, ки таъмини корхонаҳои коммуналӣ бо техникаи махсус яке аз камбудиҳои асосии соҳа маҳсуб мешавад. Номбурда илова намуд, ки аз 867 адад техникаҳои махсуси коммуналӣ, ки дар мувозинати корхонаҳои соҳа қарор доранд, 576 адад коршоям ва 291 ададашон корношоям мебошанд.
Равшан Тӯйчизода ҳамчунин таъкид намуд, ки барои бо сифати хубтар ба роҳ мондани хизматрасониҳои коммуналӣ ва қонеъ гардонидани талаботи рӯзафзуни истифодабарандагон дар шаҳру ноҳияҳои ҷумҳурӣ ва аҳолии деҳот мувофиқи ҳисобҳо ва меъёрҳои амалкунанда харидани зиёда аз 800 адад техникаҳои махсус лозим мебошад, ки дар пайи роҳандозии он тадбирҳои зарурӣ андешида мешаванд.
Дар нишаст ҳамчунин зикр гардид, ки КВД «Хоҷагии манзилию коммуналӣ» баҳри иҷрои қарори Ҳукумати Ҷумҳуии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2017 -2018» як қатор корҳоро ба анҷом расонидааст. Аз ҷумла 1000 метри мураббаъ боми хонаҳои истиқоматӣ, 70,3 км қубурҳои оби нӯшокӣ, 5,8 ҳазор метри мураббаъ роҳу роҳравҳо, 13, 9 ҳазор километр хатҳои барқро таъмир кардааст. 15 адад дару тирезаҳо таъмир ва 63 метри мураббаъ шишабандӣ намуда, 62 адад таҳхонаҳоро аз об тоза кардаанд. Корҳо дар ин самт идома дошта, миқдори зиёди маводи сӯзишвории моеъ ва зидди лағжиш низ захира гардидааст.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
