Нуробод: 40 нафар бонувони хонанишин ба касбомӯзӣ ҷалб гардиданд

Июль 28, 2017 10:35

НУРОБОД, 28.07.2017 /АМИТ «Ховар»/. Дар ноҳияи Нуробод  аз ҳисоби соҳибкорон ва ташкилоту корхонаҳои ноҳия то имрӯз 4 адад коргоҳи дӯзандагӣ,  5 адад коргоҳи  қолинбофии хурди дастӣ ва 3 адад маркази адрасбофӣ дар  ҷамоатҳои деҳоти Ҳакимӣ, Комсомолобод ва шаҳраки Дарбанд  ба истифода дода шудаанд, ки айни замон  23 нафар бонувони  хонанишини ҷамоатҳои мазкур  дар онҳо фаъолият доранд. Ба иттилои сардори  шуъбаи Агентии меҳнат ва шуғли аҳолии   ноҳияи Нуробод Абдуҳалим Суфизода, ин амал ҷиҳати  иҷрои қарори Ҳукумати Ҷумҳурии  Тоҷикистон  «Дар бораи рушди қолинбофии дастӣ ва дигар ҳунарҳои мардумӣ дар Ҷумҳурии Тоҷикистон» роҳандозӣ гардид.

Ба иттилои мавсуф, рушди қолинбофӣ ва дигар ҳунарҳои мардумӣ, аз ҷумла   қуроқдузӣ,  бофандагӣ, гулдӯзӣ, сӯзанидӯзӣ,  зардӯзӣ,  адрасбофӣ,  ҷомадӯзӣ,  бофандагӣ, маҳсулоти пашмӣ,  кешбофӣ,  сабадбофӣ ва  тоқидӯзӣ талаби замон ва амри   зарурӣ буда, талабот ба қолини дастии тайёркардашуда хеле зиёд мебошад.

Ҳамзамон шуъбаи Агентии меҳнат ва шуғли аҳолӣ дар  ноҳияи Нуробод  дар ҳамкорӣ бо муассисаҳои давлатии таълими калонсолон дар ноҳияҳои Тоҷикобод, Сангвор ва Маркази модулии шаҳри Душанбе ҷиҳати ба касбомӯзӣ фаро гирифтани занони бекор аз ҳисоби роҳхатҳои Барномаи мусоидат бо шуғли аҳолӣ дар ҷамоатҳои шаҳраку деҳот  40 нафар бонувони  хонанишинро ба омӯзиши  қолинбофии дастӣ ва адрасбофӣ    ҷалб намуд.

Июль 28, 2017 10:35

Хабарҳои дигари ин бахш

Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд
ДАСТОВАРДҲОИ СОҲИБИСТИҚЛОЛӢ. Шурои ҷамъиятии назди Сафорати Тоҷикистон дар Русия дар ин мавзуъ озмун эълон кард
Дар рӯзномаи байналмилаллии арабии «Аш- Шарқ ал-Авсат» фарҳангу адабиёти тоҷик муаррифӣ гардид
Дар Хатлон 44 лоиҳаи сармоягузорӣ татбиқ мегардад
Дар Бадахшон фаъолони маъракаи даъвати баҳории ҷавонписарон ба сафи Артиши миллӣ қадрдонӣ шуданд
Ҳайати бонуфузи Чин ҷиҳати иштирок дар Форуми занон вориди Хуҷанд шуданд
Дар остонаи Рӯзи Ваҳдати миллӣ 1,5 км роҳи деҳаи Иттифоқи шаҳри Ҳисор мумфарш карда шуд
Роҳбарияти «Тоҷикаэронавигатсия» дар Саммити ҷаҳонии «CANSO Global ATM Summit 2024» иштирок намуд