Прокуратураи генералии Тоҷикистон барои нақзи қонуни танзим нисбат ба 332 нафар парвандаи ҳуқуқвайронкунии маъмурӣ оғоз кардааст
ДУШАНБЕ, 07.07.2017 /АМИТ «Ховар»/. Бо натиҷаи санҷишҳои прокурорӣ ҷиҳати бартарафсозии қонунвайронкуниҳо ва сабабу шароитҳои ба содиршавии онҳо мусоидаткунанда унвони мақомотҳои иҷроияи ҳокимияти давлатӣ, роҳбарони корхонаю ташкилотҳо ва муассисаҳо 163 пешниҳод ва 60 амр ирсол гардидааст. Ба санадҳои ғайриқонунӣ 12 эътироз оварда, 204 нафар ба ҷавобгарии интизомӣ кашида шуда, нисбат ба 332 нафар парвандаи ҳуқуқвайронкунии маъмурӣ оғоз карда шудааст.
Ин маълумот дирӯз дар Прокуратураи генералии Ҷумҳурии Тоҷикистон зимни ҷаласаи машваратии байниидоравӣ бо иштироки роҳбарияти Кумита оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон, кормандони масъули Вазорати корҳои дохилии Ҷумҳурии Тоҷикистон ва Раёсати БДА ВКД ҷиҳати муҳокимаи натиҷаи санҷиши ҳолати иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» зикр гардид.
Тавре ба АМИТ «Ховар» аз Маркази матбуоти Прокуратураи генералӣ хабар доданд, дар ҷаласа ҳамчунин зикр шуд, ки мақомоти прокуратураи кишвар ҳолати иҷрои Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»-ро мунтазам санҷида, ҷиҳати пешгирӣ, ошкор ва бартараф намудани қонунвайронкуниҳои ҷойдошта чораҳои эътиноии прокурорӣ андешидааст.
Бо мақсади пурзӯр намудани назорати иҷрои қонун, пешгирӣ ва бартараф намудани қонунвайронкуниҳо, баланд бардоштани масъулияти комиссияҳои ҷамъиятӣ, гурӯҳҳои кории доимоамалкунанда бо ҷалби шахсони мутасаддии Кумита оид ба корҳои дин, танзими анъана ва ҷашну маросимҳои миллӣ, ВКД ва Раёсати БДА ВКД созмон дода шуда, масъалаи мазкур мавриди санҷиш ва таҳлил қарор дода мешавад.
Дар рафти маҷлис аз ҷониби роҳбарияти Прокуратураи генералӣ ва дигар иштирокчиён, ки ба сухан баромаданд, ба паҳлуҳои масъалаҳои баррасишаванда баҳои ҳуқуқӣ дода, ҷиҳати бартараф намудани камбудию қонунвайронкуниҳои ҷойдошта дар назди прокуророни вилоятҳо ва шаҳру ноҳияҳо вазифаҳои мушаххас гузошта шуданд.
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
