Рашт: «Корвони саломатӣ» зиёда аз 2000 нафарро аз ташхису муоина гузаронид

ДУШАНБЕ, 03.07.2017 /АМИТ «Ховар»/.  1 июли соли равон Вазорати тандурустӣ ва ҳифзи иҷтимоии аҳолии Ҷумҳурии Тоҷикистон  ҷиҳати таъмини сиҳатии сокинон аз маризиву бемориҳои гуногун  «Корвони саломатӣ» ташкил намуда, ба  ноҳияи Рашт  равон намуд.

Тавре хабарнигори АМИТ «Ховар» иттилоъ медиҳад, дар  «Корвони  саломатӣ»  зиёда аз  2000 нафари ба ташхису табобат муҳтоҷ иштирок намуда, аз  хизматрасонии ройгони тиббӣ бархӯрдор гардиданд.

Дар чорабинӣ мутахасисони ботаҷрибаи муассисаҳои ташхисиву табобатии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон  сафарбар гардида,  дар баробари ташхису муоина ба сокинон маслиҳатҳои тиббӣ   доданд.