Сокинони ноҳияи Темурмалик дар ободу зебо намудани маҳали зисти хеш саҳм мегузоранд
ТЕМУРМАЛИК, 26.07.2017 /АМИТ «Ховар»/. Бо мақсади дар сатҳи баланд истиқбол гирифтани 26-умин солгарди Истиқлолияти давлатии Ҷумҳурии Тоҷикистон дар шаҳру ноҳияҳои мамлакат корҳои ободонию бунёдкорӣ вусъати тоза мегиранд. Дар робита ба ин дар ноҳияи Темурмалик ҳашарҳои дастаҷамъона гузаронида мешаванд. Дар ин бора хабарнигори минтақавии АМИТ «Ховар» хабар медиҳад.
Шуҳрат Файзов, як сокини ноҳия зимни баргузории ҳашар баён дошт, ки «давоми солҳои соҳибистиқлолии кишвар ноҳияи Темурмалик дар баробари дигар шаҳру ноҳияҳо рушд кард. Дар ин давра даҳҳо биноҳои маъмурию маданӣ ва хизматрасонӣ ба истифода дода шуданд. Бо шукргузорӣ аз фазои сулҳу суботи саросарӣ сокинони ноҳия баҳри сазовор истиқбол гирифтани ҷашнҳои миллию давлатӣ рӯзҳои истироҳат ба ҳашари дастаҷамъона баромада, дар ободу зебо намудани маҳали зисти хеш саҳм мегузоранд».
Дар ҳашаре, ки дар саҳни гимназияи давлатӣ доир гардид, беш аз 70 нафар кормандони ташкилоту корхонаҳо ва дигар сокинон иштирок карданд.
Чунин ҳашарҳо дар дигар ҷамоатҳои деҳот низ ҷараён доранд.
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
