Суғд: Бунёди 37 адад иншооти варзишӣ аз оғози сол
ХУҶАНД, 27.07.2017 /АМИТ «Ховар»/. Дар давоми нимсолаи аввали соли равон дар ҳудуди вилояти Суғд бо ибтикори Мақомоти иҷроияи ҳокимияти давлатии вилоят ва соҳибкорони маҳаллӣ 37 адад иншооти гуногуни варзишӣ, дар маҷмӯъ ба маблағи 6 миллиону 978 ҳазор сомонӣ ба истифода дода шудааст. Инчунин бахшида ба Соли ҷавонон дар шаҳру ноҳияҳои вилоят имрӯзҳо сохтмони 46 иншооти варзишии хурду бузург ба нақша гирифта шудааст.
Дар ин бора зимни нишасти хабарӣ масъулини Раёсати кор бо ҷавонон ва варзиши Мақомоти иҷроияи ҳокимияти давлатии вилояти Суғд иттилоъ доданд.
Тибқи маълумоти масъулини соҳа, айни ҳол дар вилоят 45 мактаби варзишӣ фаъолият дошта, дар онҳо дар маҷмӯъ 17 ҳазору 404 нафар наврасону ҷавонон ба тамрин фаро гирифта шудаанд. Аз онҳо 2002 нафарашонро духтарон ташкил медиҳанд.
Ҳамчунин аз оғози сол дар вилоят 652 мусобиқа аз рӯи 17 намуди варзиш бо фарогирии 64 ҳазору 260 нафар варзишгар гузаронида шуданд.
Дар маҷмӯъ варзишгарони вилояти Суғд дар шашмоҳаи аввали соли равон зимни иштирок дар мусобиқаҳои вилоятиву ҷумҳуриявӣ ва байналмилалӣ ба гирифтани 3228 медал (дар ҳамин давраи соли 2016-1437 медал) шарафёб гардиданд, ки аз он 996 ададаш (2016-450) медали тилло мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






