«Тоҷикагролизинг»: комбайнҳои махсуси шолидаравӣ то охири моҳи август ворид карда мешаванд

Июль 26, 2017 11:33

ДУШАНБЕ, 26.07.2017 /АМИТ «Ховар»/. Корхонаи воҳиди давлатии ҷумҳуриявии «Тоҷикагролизинг» (КВДҶ) дар асоси қарордоди мувофиқашуда бо намояндагони корхонаҳои истеҳсолии Ҷумҳурии Ӯзбекистон соли равон 8 адад мошинҳои пахтачинии чаҳорқатора, кӯракғундор ва 20 адад ядакҳои тракториро харидорӣ ва ба ҷумҳурӣ ворид намуда, дар ихтиёри хоҷагиҳои деҳқонии мамлакат қарор медиҳад. Дар ин бора имрӯз муовини якуми директори КВДҶ «Тоҷикагролизинг» Ботир Муминов зимни нишасти матбуотӣ, ки дар Маркази матбуоти ҷумҳуриявии АМИТ «Ховар» баргузор гардид, иттилоъ дод.

Зимни нишаст зикр гардид, ки КВДҶ «Тоҷикагролизинг» дар нимсолаи аввали соли равон  25 адад комбайнҳои ғалла ва шолидаравии чархдор ва тасмачархи истеҳсоли Федератсияи Россия ва Олмон, 98 адад тракторҳои гуногунтамға, зиёда аз 210 адад мошинолоти кишоварзиро ба ҷумҳурӣ ворид намуд. Комбайнҳои воридгардида дар асоси дархости хоҷагиҳои деҳқонии шаҳру ноҳияҳои ҷумҳурӣ, аз ҷумла ба ноҳияҳои Мастчоҳ, Темурмалик, Восеъ, Шаҳритус, Турсунзода, Данғара, Ёвон ва дигар ноҳияҳо ҷудо карда шуданд.

«Аз дархосту талаботи воридгардидаи хоҷагиҳои деҳқонии ҷумҳурӣ маълум гардид, ки имрӯз хоҷагиҳо ба 140 адад тракторҳои тамғаи гуногуни МТЗ,140 адад испор, 35 адад комбайнҳои ғалладарав, 40 адад тойбанд ва 35 адад алафдарав ниёз доранд. Пас аз омӯзиши дархосту пешниҳодҳои мазкур мо ба хулосае омадем, ки бо дарёфи имконият баъди хариди ин миқдор техникаҳо онҳоро ба хоҷагиҳои деҳқонӣ дастрас намоем», -иброз дошт Ботир Муминов.

Муовини директори Корхонаи воҳиди давлатии ҷумҳуриявии «Тоҷикагролизинг» Авлиёқул Урозов ҷиҳати беталаф ҷамъоварӣ кардани ҳосили шолӣ ва дастрас намудани техникаҳои махсуси ин соҳа чунин гуфт: «Охири моҳи августи соли равон бо мақсади сари вақт ҷамъоварӣ намудани шолӣ ва кам кардани мушкилоти кори деҳқонон аз хориҷи кишвар 6 адад комбайни тасмачарх ворид карда шуда, ба марказҳои хизматрасонии техникии корхона тақсим карда мешаванд».

Июль 26, 2017 11:33

Хабарҳои дигари ин бахш

АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
ҶАМЪБАСТИ НИШАСТҲОИ МАТБУОТӢ. 14 феврал дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб

Маводҳои таҳлилӣ