Вазорати рушди иқтисод ва савдои Ҷумҳурии Тоҷикистон ва ширкати «Барқи тоҷик» оид ба натиҷаҳои нимсолаи аввали соли равон нишасти матбуотӣ баргузор мекунанд

ДУШАНБЕ, 31.07.2017 /АМИТ «Ховар»/. Пагоҳ, 1 августи соли 2017 Вазорати рушди иқтисод ва савдои Ҷумҳурии Тоҷикистон, Ширкати саҳҳомӣ-холдингии кушодаи «Барқи тоҷик» оид ба ҷамъбасти нимсолаи аввали соли 2017 нишасти матбуотӣ баргузор мекунанд.
Нишасти матбуотии Вазорати рушди иқтисод ва савдо бо намояндагони воситаҳои ахбори омма соати 9 дар маҷлисгоҳи Вазорати рушди иқтисод ва савдо таъйин шудааст (шаҳри Душанбе кӯч.Бохтар, 37).
ШСХК «Барқи тоҷик» 1 август соати 15 журналистонро ҷиҳати иштирок дар нишасти матбуотии ширкат оид ба натиҷаҳои фаъолият дар нимсолаи аввали соли равон ба бинои ШСХК «Барқи тоҷик» даъват кардааст (ш. Душанбе, кӯчаи Исмоили Сомонӣ, 64).
Хотиррасон мешавем, ки мутобиқи Амри Президенти Ҷумҳурии Тоҷикистон аз 15 сентябри соли 2011 №АП-1729 вазорату идораҳо ва ташкилоту муассисаҳои мамлакат баъд аз ҷамъбасти натиҷаҳои фаъолияти шашмоҳа ва солона ҳар сол ду маротиба нишастҳои матбуотӣ баргузор карда, ба саволҳои намояндагони ВАО посух медиҳанд.