«ҶАВОНОН – ПАЙРАВИ ПЕШВОИ МИЛЛАТ!». Дар вилояти Суғд Форуми ҷавонони Тоҷикистон ба кори худ шуруъ намуд
ДУШАНБЕ, 04.07.2017 /АМИТ «Ховар»/. Тавре дирӯз хабар дода будем, дар вилояти Суғд Форуми ҷумҳуриявии намояндагони ҷавони вазорату идораҳо ва ташкилоту муассисаҳои мамлакат таҳти унвони «Ҷавонон – пайрави Пешвои миллат» ба кори худ шурӯъ намуд. Аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, ки иштирокчиёни форум сараввал аз ноҳияи Айнӣ ва шаҳри Истаравшан боздид намуданд. Сипас ҷавонон ба истироҳатгоҳи «20-солагии Истиқлолият»-и ноҳияи Ҷаббор Расулов раҳсипор шуданд. Барномаи «Шоми ҷавонӣ» дар лагери истироҳатӣ дар фазои дӯстона ва сатҳи баланд баргузор шуд.
Дар форуми мазкур, ки ба Соли ҷавонон бахшида шудааст, 150 нафар ҷавонон аз тамоми вазорату идораҳо ва ташкилоту муассисаҳои кишвар ширкат доранд.
Дар доираи Форум барномаҳои фарҳангию фароғатӣ, суҳбату вохӯриҳои сатҳи баланд, ҳамоишҳо, саёҳати иштирокчиён ба мавзеъҳои таърихию сайёҳии вилояти Суғд ва мусобиқаҳои варзишӣ доир карда мешаванд. Дар рӯзҳои Форум ҳамзамон баргузории конференсияи илмию назариявӣ дар мавзӯи «Нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар амалӣ намудани сиёсати давлатии ҷавонон» дар назар аст.
Ёдовар мешавем, ки Форуми ҷавонон бо ибтикори Кумитаи кор бо ҷавонон ва варзиш дар якҷоягӣ бо Вазорати корҳои дохилӣ ва Мақомоти иҷроияи ҳокимияти давлатии Суғд роҳандозӣ гардида, то 6 август идома меёбад.
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид
«ПРЕЗИДЕНТ — КАФИЛИ ДАВЛАТИ ҲУҚУҚБУНЁДУ ДЕМОКРАТӢ». Дар ин мавзуъ конференсияи ҷумҳуриявӣ доир шуд
Имрӯз дар Тоҷикистон туман мефарояд
Ба ифтихори Рӯзи Президент дар деҳоти ноҳияи Ёвон чорабиниҳои сиёсию маърифатӣ баргузор мегардад
АБАРМАРДЕ, КИ ДАВЛАТРО БИНО КАРД. Ба ифтихори Рӯзи Президенти Ҷумҳурии Тоҷикистон
Имрӯз дар водиҳои Тоҷикистон борон меборад
Байни Тоҷикистон ва Агентии ҳамкории байналмилалии Ҷопон Созишномаи грантӣ ба имзо расид
