Аз вагонхона — ба бинои замонавии мактаб: дар деҳаи «Роҳи Ленин»-и ноҳияи Абдураҳмони Ҷомӣ муассисаи таълимӣ ифтитоҳ шуд
ДУШАНБЕ, 11.08.2017 /АМИТ «Ховар»/. Дар доираи сафари Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ноҳияи Абдураҳмони Ҷомӣ дар деҳаи «Роҳи Ленин» бинои муассисаи таълимии №19 ба истифода дода шуд. Дар ин бора аз Вазорати маориф ва илми Ҷумҳурии Тоҷикистон хабар доданд.
Бино ба иттилои манбаъ, дар расми ифтитоҳ Вазири маориф ва илми Ҷумҳурии Тоҷикистон Нуриддин Саид, муовини раиси вилояти Хатлон Махфират Хидирзода, муовини раиси ноҳия Хосият Неъматова ва дигар меҳмонону сокинон иштирок карданд.
Зикр шуд, ки сохтмони ин мактаб дар масоҳати умумии 0,91 га дар асоси қарори Ҳукумати Ҷумҳурии Тоҷикистон «Дар бораи Барномаи давлатии сохтмон, таъмиру азнавсозии мактабҳо барои солҳои 2008-2015, ки дар хонаҳои шахсӣ, вагонхонаҳо, биноҳои маъмурию ҷойҳои ҷамъиятӣ ҷойгиранд» ба нақшаи иншооти сохташаванда аз ҳисоби маблағҳои мутамаркази асосӣ ворид гардида буд. Бинои мазкур аз 2 ошёна иборат буда, барои 320 ҷойи нишаст дар як баст сохта шудааст. Дар ошёнаи якум 5 синфхона, синфхонаи компютерӣ, синфхонаи таълими меҳнат, утоқи кории муаллимон ва утоқи кории директор ҷой гирифтаанд. Дар ошёнаи дуюм 8 синфхона ва 2 утоқи корӣ, синфхонаҳои лаборатории физикаю химия ҷойгир карда шудаанд.
Лоиҳакаши иншооти мазкур Ҷамъияти дорои масъулияти маҳдуди «Сармоя лоиҳа» буда, корҳои сохтмонӣ аз тарафи пудратчии иншоот Ҷамъияти дорои масъулияти маҳдуди «Хизматрасонии сохтмони асосӣ» ба анҷом расонида шуда, аз ҷониби Ҷамъияти дорои масъулияти маҳдуди «Нур-мебел» бо таҷҳизоти муосир таъмин гардидааст.
Бояд гуфт, ки мактаби собиқи деҳаи «Роҳи Ленин» солҳои 70-уми асри гузашта бунёд ёфта, хонандагони он то имрўз дар вагонхонаҳо таълим мегирифтанд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
