Азонихудкунии қариб 150 ҳазор сомонӣ аз ҷониби муҳандис-сохтмончӣ ва сардори шуъбаи хоҷагӣ
ДУШАНБЕ, 28.08.2017 /АМИТ «Ховар»/. Вазорати корҳои дохилии Ҷумҳурии Тоҷикистон аз боздошти марди 39-сола, муҳандис-сохтмончӣ ва сардори шуъбаи хоҷагии яке аз донишгоҳҳои шаҳри Хуҷанд, ки бо гумони азонихудкунии 149 ҳазору 770 сомонӣ гумонбар мешаванд, хабар медиҳад.
Тавре аз ВКД ҶТ иттилоъ доданд, ҳангоми гузаронидани корҳои фаврӣ-ҷустуҷӯӣ аз ҷониби кормандони милитсия марди 39-солаи сокини шаҳри Хуҷанд, муҳандис-сохтмончии яке аз донишгоҳҳои ин шаҳр бо гумони азонихудкунӣ ё исрофкорӣ дастгир карда шуд. Номбурда дар давраи фаъолияти кориаш аз соли 2015 то семоҳаи аввали соли 2017 бо маслиҳати пешакӣ бо собиқ сардори шуъбаи хоҷагӣ ва сохтмони донишгоҳи мазкур- марди 30-солаи сокини ноҳияи Б.Ғафуров, аз ваколатҳои мансабиашон суиистифода бурда, ба сохтакорӣ даст задаанд.
Номбурдагон ҳар моҳ табели кории якчанд нафар сохтмончии донишгоҳи мазкурро, ки баъзеи онҳо дар муҳоҷирати меҳнатӣ дар Федератсияи Россия қарор доранд, бо роҳи сохтакорӣ, ки гӯё онҳо дар донишгоҳи мазкур ҳамчун сохтмончӣ фаъолият доранд, ба расмият дароварда, тавассути корти бонкӣ 149 ҳазору 770 сомониро, ки барои музди меҳнати сохтмончиён пешбинӣ шуда буд, аз они худ намудаанд.
Ба иттилои манбаъ, аз рӯи ин ҳодиса парвандаи ҷиноятӣ оғоз гардида, корҳои тафтишотӣ идома доранд.
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
