Дар Душанбе Ҳафтаи китоби Ҳиндустон оғоз гардид
ДУШАНБЕ, 19.08.2017 /АМИТ «Ховар»/. Дар шаҳри Душанбе Ҳафтаи китоби Ҳиндустон оғоз гардид. Дар ин бора ба АМИТ «Ховар» аз Академияи илмҳои Ҷумҳурии Тоҷикистон хабар доданд.
Ин иқдом бо ташаббуси Китобхонаи марказии илмии ба номи Индира Гандии Академияи илмҳои Ҷумҳурии Тоҷикистон, Сафорати Ҳиндустон дар шаҳри Душанбе ва Ҷамъияти дӯстии Тоҷикистону Ҳиндустон сурат гирифт.
Дар намоиши китобҳои ҳиндӣ Сафири Ҳиндустон дар Душанбе Сомнатҳ Гҳош ва дигар кормандони сафорат, аъзои Ҷамъияти дӯстии Тоҷикистону Ҳиндустон, олимон аз пажӯҳигоҳҳои Академияи илмҳо, устодону шогирдон аз Донишгоҳи миллии Тоҷикистон ва дигар ҳаводорони фарҳангу адаби Ҳинд ширкат намуданд.
Ҳафтаи намоиши китоби Ҳиндустон ба бузургдошти 70 – солагии Истиқлолияти Ҳиндустон ва 25–солагии муносибатҳои дипломатӣ миёни Тоҷикистону Ҳиндустон равона гардида, то 24 августи соли равон идома меёбад.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
