Дар Фестивал-озмуни телевизионии «Бӯстон-2017» дар Роғун маҳсули ҳунарҳои мардумӣ ба намоиш гузошта шуданд

 РОҒУН, 07.08.2017 /АМИТ «Ховар»/. Дар Қасри фарҳанги шаҳри Роғун бо иштироки зиёда аз 700 нафар сокинону меҳмонон даври шаҳрии  Фестивал-озмуни телевизионии ҷумҳуриявии эҷодиёти халқ «Бӯстон-2017»  баргузор гардид. Дар он   маҳсули ҳунарҳои мардумии халқу миллатҳои гуногун ба намоиш гузошта шуданд.

Муовини раиси шаҳри Роғун Фирӯза  Файззода ба хабарнигори АМИТ «Ховар» иттилоъ дод, ки Фестивали «Бӯстон-2017» бо мақсади  эҳёи мероси фарҳангӣ ва дарёфти чеҳраҳои нав аз миёни ҷавонону наврасон дар ҷодаи  санъати рақс, сурудхонӣ, навозандагӣ, овозхонӣ, ҳаҷву  мутоиба  ва бадеҳахонӣ  гузаронида шуд.

Ҳакамон ба маҳорату ҳунарнамоии наврасону ҷавонони шаҳри Роғун  баҳои баланд дода, ба онҳо дипломҳои Муассисаи давлатии телевизиони «Сафина» тақдим  карда шуданд.