Дар шаҳри Гулистони вилояти Суғд ҷаласаи 15–уми Шӯрои байнидавлатии ИДМ доир мешавад
ДУШАНБЕ, 17.08.2017/АМИТ «Ховар»/. 14-15 сентябри соли равон дар шаҳри Гулистони вилояти Суғд ҷаласаи 15-уми Шӯрои байнидавлатии Иттиҳоди Давлатҳои Мустақил (ИДМ) оид ба бехатарии саноатӣ баргузор мешавад. Дар ин бора ба АМИТ «Ховар» аз Мақомоти иҷроияи ҳокимияти давлатии вилояти Суғд хабар доданд.
Дар ҷаласа масъалаҳои оид ба таҳкими ҳамкорӣ байни сохторҳои марбут ба бехатарии саноати кишварҳои ИДМ матраҳ мегарданд. Бино ба иттилои манбаъ, ба ҳайати шӯро Тоҷикистон, Арманистон, Беларус, Молдова, Озарбойҷон, Русия, Қазоқистон, Қирғизистон ва Украина шомиланд.
Шӯрои мазкур бо мақсади ҳалли масъалаҳои марбут ба бехатарии саноатӣ ва таъмини кафолати амнияти ҳаёт ва саломатии кормандоне, ки дар иншооти хатарнок кор мекунанд, инчунин ҳифзи аҳолӣ ва муҳити зист аз садамаҳои техногенӣ бо назардошти истифодаи самараноки таҷриба ва дастовардҳои илмию техникӣ созмон ёфтааст.
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
