Имрӯз дар Тоҷикистон ҳавои тағйирёбандаи гарм дар назар аст

ДУШАНБЕ, 5.08.2017 /АМИТ «Ховар»/. Мувофиқи маълумоти мутахассисони Агентии обуҳавошиносии Тоҷикистон, имрӯз, 5 август дар бештари минтақаҳои кишвар ҳаво тағйирёбанда боқӣ монда, дар баъзе ҳолатҳо чангу ғубор пешгӯӣ мешавад.

Бар асоси пешгӯии ин марказ, имрӯз дар Вилояти Мухтори Кӯҳистони Бадахшон ҳавои тағйирёбанда шуда, дар ғарби вилоят ҳаво шабона 13-18  ва рӯзона 27-32 дараҷа гарм мешавад. Дар шарқи вилояти Бадахшон  гармии ҳаво шабона ба 4-9 ва рӯзона ба 17-22 дараҷа мерасад.

Дар вилояти Хатлон гармии ҳаво шабона 20-25 ва рӯзона 35-40 дараҷаро ташкил медиҳад. Дар  вилояти Суғд шабона 18-23 ва рӯзона 34-39 дараҷа гармӣ пешгӯӣ мешавад.

Дар ноҳияҳои тобеи марказ ҳаво тағйирёбанда шуда, гармии ҳаво шабона ба 17-22 ва рӯзона ба 34-39 дараҷа мерасад.

Дар Душанбе ҳарорати ҳаво шабона 18-20 ва рӯзона 36-38 дараҷа муайян карда шудааст.