Куҳантарин кӯдакистони шаҳри Хоруғ навсозӣ мешавад
ХОРУҒ, 12.08.2017 /АМИТ «Ховар»/. Бо маблағгузории Дирексияи сохтмони иншооти ҳукуматии назди Дастгоҳи Президенти Ҷумҳурии Тоҷикистон кӯдакистони рақами якуми шаҳри Хоруғ аз нав бунёд мегардад. Директори Ҷамъияти масъулияташ маҳдуди «Мустафо» Атоназар Давлатназаров, ки бунёди бинои ин кӯдакистонро бар дӯш дорад, баён дошт, ки «ин бино аз се ошёна иборат аст ва ҳоло корҳои сохтмониро дар таҳхона ба анҷом расонидем. Рӯзҳои наздик сохтмони девори ошёнаи аввалро низ ба охир мерасонем. Дар масъалаи маблағ ва масолеҳи сохтмонӣ ягон мушкилӣ надорем».
Бинои кӯдакистон аз се ошёна иборат буда, дар ошёнаи аввали он ошхона, утоқҳои таълимӣ, дар ошёнаи дуюм толорҳо барои бозиҳои варзишию фарҳангӣ ва утоқ барои сардорони гурӯҳҳо мавҷуд аст. Мудири шуъбаи маорифи шаҳри Хоруғ Абдулвоҳид Амонбеков гуфт, ки бинои кӯҳна дар аввали солҳои шастум ҳамагӣ барои каме бештар аз 80 нафар кӯдакон сохта шуда буд ва утоқу ҳуҷраҳояш низ масоҳати чандон калон надоштанд. Бо зиёд шудани аҳолии шаҳр талабот ва теъдоди табриягирандагони ин кӯдакистон низ рӯ ба афзоиш ниҳода, айни замон дар 9 гурӯҳ зиёда 200 кӯдак ба таълиму тарбия фаро гирифта шудаанд.
Ин бино соли оянда мавриди баҳрабардорӣ қарор мегирад.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
