Масоили таҳияи лоиҳаҳои сармоягузорӣ дар соҳаи сайёҳӣ бо Намояндаи доимии Бонки аврупоии таҷдид ва рушд дар Тоҷикистон баррасӣ гардиданд
ДУШАНБЕ, 31.08.2017 /АМИТ «Ховар»/. Таҳия ва татбиқи лоиҳаҳои сармоягузорӣ ва нақшаҳои тиҷоратӣ дар соҳаи сайёҳӣ, аз ҷумла инфрасохтори соҳа дирӯз дар мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода бо Намояндаи доимии Бонки аврупоии таҷдид ва рушд дар Тоҷикистон хонум Айтен Рустамова мавриди баррасӣ қарор дода шуд. Дар ин бора ба АМИТ «Ховар» аз Кумитаи рушди сайёҳӣ хабар доданд.
Инчунин зимни мулоқот масъалаҳои дигари рушди соҳаи сайёҳӣ ва пешбурди имкониятҳои сайёҳии ҷумҳурӣ дар хориҷи кишвар, афзоиши хатсайрҳои ҳавопаймоӣ, осонтар намудани дастрасии сайёҳон ба ҷумҳурӣ ва баргузор намудани чорабиниҳо матраҳ гардиданд.
Ҷонибҳо ба мувофиқа омаданд, ки Лоиҳаи кумаки машваратии Бонки аврупоии таҷдид ва рушд ба ширкатҳои ватании сайёҳӣ, меҳмонхонаҳо, осоишгоҳҳо ва истироҳатгоҳҳо ҷиҳати таҳияи лоиҳаҳои сармоягузорӣ ва нақшаҳои тиҷоратӣ, ташкили сомонаи интернетӣ, гузаронидани тадқиқоти маркетингӣ ва ташкили бренд, ба роҳ мондани стандартҳои байналмилалии муҳосибот ва дигар самтҳо кумак менамояд.
Вобаста ба масъалаҳои мазкур бо иштироки ширкатҳои сайёҳӣ суҳбату муаррифии имкониятҳои Лоиҳаи кумаки машваратии Бонки аврупоии таҷдид ва рушд ба бахши хусусии соҳаи сайёҳӣ баргузор карда мешавад.
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
ВОДИИ ЯҒНОБ- ОСОРХОНАИ ЗИНДАИ ЭТНОГРАФӢ. Ин мавзеъ таваҷҷуҳи сайёҳонро зиёдтар ҷалб менамояд
Президенти Тоҷикистон: «Вилояти Мухтори Кӯҳистони Бадахшон бо мардуми меҳмоннавоз ва имконоти васеи сайёҳӣ маҳбубияти зиёд дорад»
МАНЗАРАҲОИ ҶОЛИБИ ТОҶИКИСТОН — САРВАТИ БУЗУРГИ САЙЁҲӢ. Эҳдо ба Рӯзи ҷаҳонии сайёҳӣ
