Намояндагии Вазорати рушди байналмилалии Британияи Кабир дар Осиёи Марказӣ барои ҳамкорӣ дар пешбурди низоми бонкӣ омода аст
ДУШАНБЕ, 08.08.2017 /АМИТ «Ховар»/. Вазъи ҷории нишондиҳандаҳои макроиқтисодӣ ва молиявии ҷумҳурӣ, бахусус фаъолияти низоми бонкӣ имрӯз зимни мулоқоти муовини якуми Раиси Бонки миллии Тоҷикистон Ҷамолиддин Нуралиев бо Директори намояндагии Вазорати рушди байналмилалии Британияи Кабир (DFID) дар Осиёи Марказӣ Питер Фернандес Карди баррасӣ гардид. Дар ин бора ба мухбири АМИТ «Ховар» аз Бонки миллии Тоҷикистон хабар доданд.
Дар мулоқот Ҷамолиддин Нуралиев намояндаи Вазорати рушди байналмилалии Британияи Кабирро ба ҳамкории самараноки мутақобила даъват намуда, иброз дошт, ки «низоми бонкии Ҷумҳурии Тоҷикистон ба дастгирӣ ва пешниҳоди кумакҳои техникии навбатӣ ва истифодаи таҷриба дар самтҳои мухталиф, аз ҷумла, сиёсати монетарӣ, назорати бонкӣ, суботи молиявӣ ва бахши суғурта ниёз дорад».
Директори DFID Питер Фернандес Карди изҳор дошт, ки Намояндагии Вазорати рушди байналмилалии Британияи Кабир дар Осиёи Марказӣ омода аст дар пешбурди низоми бонкӣ ҳамкории судмандро тавсеа бахшад ва пешниҳодҳои мушаххасро дар ин самт мавриди омӯзиш қарор диҳад.
Дар ҷараёни мулоқот Ҷ. Нуралиев аз Директори DFID Питер Фернандес Карди даъват намуд, ки барои оғози фаъолияти бонкҳои Британияи Кабир дар Ҷумҳурии Тоҷикистон мусоидат намояд.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
