Ноҳияи Рӯдакӣ: талабот ба либосҳои мактабии истеҳсоли ватанӣ меафзояд
ДУШАНБЕ, 10.08.2017 /АМИТ «Ховар»/. Бахшида ба соли нави таҳсили мактаббачагон дар маркази ноҳияи Рӯдакӣ бо ташаббуси Мақомоти иҷроияи ҳокимияти давлатии ноҳия ярмарка-фурӯши либосу лавозимоти мактабӣ баргузор гардид. Дар он зиёда аз 100 корхонаву коргоҳҳои дӯзандагӣ ва соҳибкорони ноҳия маҳсулоти баландсифати худро ба хонандагону волидайн пешниҳод намуданд.
Муовини раиси ноҳияи Рӯдакӣ Фирӯза Камолзода зикр намуд, ки «имсол зиёда аз 14 ҳазор нафар кӯдакон ба синфи якум қабул гардидаанд. Коргоҳҳои дӯзандагии ноҳия барои ҳамаи онҳо либосҳои ягонаи мактабӣ омода намуда, тариқи роҳбарони муассисаҳои таълимӣ бо нархҳои дастрас ба волидайни онҳо пешниҳод намуданд. Хушбахтона, имрӯзҳо таваҷҷуҳи хонандагони муассисаҳои таълимии ноҳияи Рӯдакӣ ба либоси дӯхти ватании корхонаю коргоҳҳои дӯзандагӣ зиёд гардидааст. Аз ин рӯ бо ташаббуси ҳукумати ноҳия то охири моҳи август дар 16 ҷамоати шаҳраку деҳот ярмаркаҳои фурӯши либосҳои мактабӣ гузаронида мешавад».
Мақсад аз ташкили чунин ярмаркаҳо дастрасӣ пайдо намудани падару модарон ва хонандагон ба либосҳои ягонаи мактабӣ бо сифати баланд ва нархҳои арзон мебошад.
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Имрӯз дар шаҳри Душанбе борони кӯтоҳмуддат меборад
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
