ОФАРИН! Хонандагони тоҷик дар Олимпиадаи байналмилалии наврасон дар Ҳиндустон соҳиби 6 медали тилло гардиданд
ДУШАНБЕ, 02.08.2017 /АМИТ «Ховар»/. Аз 25 то 31 июли соли 2017 дар Ҷумҳурии Ҳиндустон Олимпиадаи байналмилалии наврасон «InIMC 2017» аз фанни математика баргузор шуда, 4 даста Ҷумҳурии Тоҷикистонро муаррифӣ намуданд.
Тавре аз Муассисаи давлатии «Маркази ҷумҳуриявии дарёфт ва рушди истеъдодҳо» хабар доданд, дар олимпиадаи мазкур хонандагони Муассисаи давлатии таълимии «Мактаби байналмилалии Президентӣ» дар шаҳри Душанбе, Муассисаи давлатии таълимии «Литсей барои хонандагони болаёқат» дар шаҳри Душанбе, литсейи инноватсионии шаҳри Душанбе ва Муассисаи таълимии хусусии Литсей-интернати Тоҷикистону Россия «Ҳотам ва П.В» миёни довталабони 41 давлати дунё ба гирифтани 6 медали тилло, 5 медали нуқра ва 9 медали биринҷӣ мушарраф гардиданд.
Ҳамзамон 1 даста аз Ҷумҳурии Тоҷикистон сазовори мақоми аввал ва 2 дастаи дигар сазовори мақоми сеюм шуданд.
Ғолибонро кормандони Муассисаи давлатии «Маркази ҷумҳуриявии дарёфт ва рушди истеъдодҳо», волидон ва намояндагони воситаҳои ахбори омма бо гулу гулдастаҳо ботантана дар «Фурудгоҳи байналмилалии Душанбе» истиқбол гирифтанд.
Дар маҷмӯъ хонандагони тоҷик аз аввали соли 2017 ба Ватан 119 медал (20 медали тилло, 40 медали нуқра, 59 медали биринҷӣ) овардаанд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
