Сафири Тоҷикистон дар маросими ёдбуди қурбониёни бомбаи атомии Нагасаки иштирок кард
ДУШАНБЕ, 11.08.2017 /АМИТ «Ховар»/. 9 август Сафири Фавқулода ва Мухтори Ҷумҳурии Тоҷикистон дар Япония Ҳамрохон Зарифӣ дар маросим бахшида ба 72-юмин солгарди ёдбуди қурбониёни бомбаи атомии Ҳиросима ва Нагасаки ширкат варзид.
Тавре аз Вазорати корҳои хориҷии Ҷумҳурии Тоҷикистон хабар доданд, маросими ёдбуд дар Боғи ёдбуди сулҳи шаҳри Нагасаки, воқеъ дар наздикии маркази таркиши аслиҳаи ядроӣ бо иштироки Сарвазири Япония Синдзо Абэ, роҳбарони ҳизбҳои сиёсӣ, губернатори музофоти Нагасаки Ҳодо Накамура, раиси шаҳри Нагасаки Томиҳиса Тауэ, роҳбарони намояндагиҳои дипломатии кишварҳои хориҷии муқими Япония, ходимони ҷамъиятӣ ва мардуми Япония баргузор шуд.
Иштирокчиён дар назди муҷассамаи ёдгории ёдбуди қурбониёни бомбаи атомӣ гул гузоштанд. Баъд аз садои зангӯла ва бонги хатар расо соати 11:02 иштирокчиён дар назди хотираи тамоми қурбониён як дақиқа сукут карданд.
Дар ҳошияи маросим Сафири Ҷумҳурии Тоҷикистон дар Япония Ҳамрохон Зарифӣ бо Вазири тозатаъйини корҳои хориҷии Япония Таро Коно вохӯрӣ намуда, вазирро бинобар ба ин мақоми баланд таъйин шуданаш табрик намуд. Инчунин вохӯрии Сафир бо раиси шаҳри Нагасаки Томиҳиса Тауэ низ доир гардид, ки зимни он арзи сипос барои даъват ҷиҳати иштирок дар маросими ёдбуд иброз гардид.
Сафири Тоҷикистон ҳамчунин дар ҷамъомадҳои фарҳангӣ-таърихӣ, ки аз ҷониби маъмурияти шаҳри Нагасаки ташкил карда шуданд, иштирок намуда, аз мавзеъҳои хотирмони шаҳр боздид намуд.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
