Суғурта дар Тоҷикистон ба талаботи стандартҳои байналмилалӣ мутобиқ гардонида мешавад
ДУШАНБЕ, 17.08.2017 /АМИТ «Ховар»/. Дар Бонки миллии Тоҷикистон зимни ҷаласаи корӣ бо иштироки намояндагони ташкилотҳои суғуртаи мамлакат вазъи имрӯзаи бозори суғурта дар ҷумҳурӣ баррасӣ гардид. Дар ин бора аз Бонки миллии Тоҷикистон хабар доданд.
Дар ҷаласа муовини Раиси Бонки миллии Тоҷикистон Ҳамидулло Машрабзода зикр намуд, ки азбаски сохторҳои назорати суғуртавии давлатҳои аъзои ИДМ дар ҳайати бонкҳои марказии ин давлатҳо фаъолият доранд, Хадамоти давлатии назорати суғуртавии назди Вазорати молияи Ҷумҳурии Тоҷикистон низ дар асоси қарори Ҳукумати Ҷумҳурии Тоҷикистон аз 1 январи соли 2016 «Дар бораи масъалаҳои Хадамоти давлатии назорати суғуртавӣ» ва Фармони Президенти Ҷумҳурии Тоҷикистон аз 13 марти соли 2017 «Дар бораи ба БМТ вогузор кардани ваколати назорати суғуртавӣ» ба сохтори Бонки миллии Тоҷикистон гузаронида шуда, минбаъд фаъолияти Идораи назорати суғуртавӣ ба талаботи стандартҳои байналмилалӣ мутобиқ гардонида мешавад.
Зикр гардид, ки бахши суғурта дар ташаккул ва рушди бозорҳои сармоя нақши ҷиддӣ дорад, зеро он яке аз харидорони асосии коғазҳои қиматноки давлатию корпоративӣ гашта, барои муҳайё намудани маблағҳои озод ва ба соҳаҳои дигари иқтисодиёт сармоягузорӣ намудани онҳо метавонад кумак намояд.
Ҳамчунин зимни муҳокимаронӣ таъкид гардид, ки камбудиҳои ҷойдошта дар бахши мазкур ислоҳ гашта, ташкилотҳои суғуртавӣ фаъолияти худро мувофиқи талаботи иҷозатномадиҳӣ ва қоидаҳои намудҳои суғуртаи ба онҳо иҷозатдодашуда дар асоси рақобати солим ба роҳ мемонанд.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
