ВАЗОРАТ НАЗОРАТ МЕКУНАД: вазъи муассисаҳои тандурустии вилояти Суғд санҷида мешавад
ДУШАНБЕ, 11.08.2017 /АМИТ «Ховар»/. Бо мақсади омӯзиш ва таҳлили вазъи муассисаҳои тандурустӣ ва ҳифзи иҷтимоии аҳолӣ Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода бо ҳайати коршиносони маҳаллӣ ва роҳбарияти Раёсати тандурустии вилояти Суғд ба шаҳри Панҷакент, ноҳияҳои Шаҳристон ва Айнӣ сафари корӣ анҷом дод. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Ба иттилои манбаъ, зимни сафар ҳайати корӣ бо роҳбарияти мақомоти иҷроияи маҳаллии ҳокимияти давлатии шаҳру ноҳияҳои мазкур суҳбату мулоқотҳои корӣ анҷом дод. Ҳайати мазкур аз марказҳои саломатӣ, беморхонаҳои марказӣ, муассисаҳои ҳифзи иҷтимоии аҳолии минтақа ва муассисаҳои хусусии тиббӣ дидан намуда, ҳолати инфрасохтор, вазъи санитарию эпидемиологӣ, заминаи моддию техникӣ, таъминот бо мутахассисони тиббӣ, маводи доруворӣ, ва дар маҷмӯъ, нишондиҳандаҳои солимии аҳолиро мавриди таҳлил ва баррасӣ қарор дод.
Инчунин ба масъулин ҷиҳати дар муҳлатҳои пешбинишуда бартараф намудани камбудиҳои ҷойдошта супоришҳои мушаххас дода шуд.
Имрӯз дар водиҳои Тоҷикистон ҳаво 19 дараҷа гарм мешавад
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
