Агентии обуҳавошиносӣ пастшавии ҳароратро дар баъзе ноҳияҳои кишвар пешгӯӣ мекунад
ДУШАНБЕ, 19.09.2017 /АМИТ «Ховар»/. То охири моҳи сентябр дар баъзе ноҳияҳои кишвар ҳавои ноустувор, пастшавии ҳарорат, бориши боронҳои кӯтоҳмуддат, раъду барқ ва дар Вилояти Мухтори Кӯҳистони Бадахшон боридани барф дар баландии 3000 метр пешгӯӣ карда мешавад. Дар ин бора ба АМИТ «Ховар» аз Агентии обуҳавошиносии Тоҷикистон хабар доданд.
Бино ба иттилои Агентии обуҳавошиносӣ, имрӯз, 19 сентябр дар ноҳияҳои ҷануби кишвар ҳавои тағйирёбандаи бебориш пешгӯӣ шуда, ҳарорат чун рӯзҳои қаблӣ бетағйир боқӣ мемонад. Дар водиҳо ҳарорат рӯзона 35 ва дар доманакӯҳҳо то ба 30 дараҷа мерасад. Ҳаво дар шимоли кишвар тағйирёбандаи абрнок гашта, дар баъзе ноҳияҳои доманакӯҳ боридани борони кӯтоҳмуддат дар назар дошта шудааст. Дар водиҳо рӯзона 28-33 ва дар доманакӯҳҳо то 25 дараҷа гармӣ пешбинӣ шудааст.
Обуҳавошиносони кишвар барои сокинони Вилояти Мухтори Кӯҳистони Бадахшон пастшавии ҳарорат ва ҳавои абрноки боронию барфро пешгӯӣ мекунанд. Боридани барфу борон асосан дар баландии беш аз 3000 метр дар назар дошта шудааст. Гармии ҳарорати ҳаво дар ғарби вилоят 20-25 ва дар шарқи ҳамин вилоят 8-13 дараҷаро ташкил хоҳад дод.
Дар ноҳияҳои тобеи марказ обуҳавошиносон ҳавои тағйирёбандаи беборишро пешбинӣ менамоянд. Дар водиҳо ҳарорат бетағйир боқӣ монда, рӯзона ба 35 ва дар доманкӯҳҳо ба 28 дараҷа мерасад.
Дар Душанбе ҳавои чун рӯзҳои қаблӣ тағйирёбандаи беборишро дар назар дошта шудааст. Ҳарорати ҳаво нисбат ба рӯзҳои қаблӣ то 2 дараҷа паст гашта, шабона ба 11-13 ва рӯзона ба 31-33 дараҷа мерасад.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
