Агентии захираҳои моддии давлатӣ дар ноҳияи Рӯшон се анборхонаи калон месозад
ХОРУҒ, 04.09.2017 /АМИТ «Ховар»/. Ҷамъияти дорои масъулияти маҳдуди «Шарқ иншоот» бо дархости Агентии захираҳои моддии давлатии назди Ҳукумати Ҷумҳурии Тоҷикистон дар деҳаи Барӯшони ноҳияи Рӯшон барои ҳифзу нигоҳдории маводи ғизоӣ, масолеҳи сохтмонӣ ва сӯзишворӣ се анборхонаи калон бунёд мекунад.
Сардори бахши вилоятии ин агентӣ Шамсулло Ҳабибуллоев ба хабарнигори минтақавии АМИТ «Ховар» гуфт, ки «дар фаслҳои зимистону баҳор бар асари барфу боришот ва дар фасли тобистон ба иллати обхезиҳо роҳҳои мошингард ба самти ноҳияҳои Вилояти Мухтори Кӯҳистони Бадахшон баста мешаванд. Аз ин рӯ интиқоли маводи ниёзи аввал бо мушкил рӯ ба рӯ мегардад. Бинобар ин Агентии захираҳои моддии давлатии ҷумҳурӣ тасмим гирифт, ки дар ҳар як ноҳия чунин анборхонаҳо бунёд кунад. Дар сурати сар задани ягон офати табиӣ аз ин анборхонаҳо молу маводи зарурӣ ба деҳоти дуру наздик интиқол меёбанд».
Барои бунёди ин анборхонаҳо 25 нафар ҷавонони маҳаллӣ ҷалб шудаанд. Дар назди ин анборхонаҳо нуқтаи фурӯши сӯзишворӣ ва мағозаи қисмҳои эҳтиётии мошинҳои сабукрав ва боркаш сохта мешавад.
Бо ибтикори Агентии мазкур бахшида ба 26-солагии Истиқлолияти давлатии ҷумҳурӣ дар бозори марказии шаҳри Хоруғ ярмарка- фурӯши маҳсулоти ғизоӣ роҳандозӣ шудааст, ки то 5 сентябр идома меёбад.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
