БА ВАТАН ХИЗМАТ МЕКУНЕМ! Афзоиши сафи ихтиёриён барои хизмат дар артиши Тоҷикистон аз ҳисси баланди ватандӯстиву ватанпарварии ҷавонони бонанг дарак медиҳад
ДУШАНБЕ, 18.09.2017 /АМИТ «Ховар»/. 15 сентябри соли равон дар Кохи афсарони Вазорати мудофиа Ҷумҳурии Тоҷикистон ҷаласаи кории муовини Сарвазири мамлакат Азим Иброҳим оид ба даъвати тирамоҳии ҷавонон ба сафи артиши миллӣ баргузор гардид.
Муовини Сарвазир иттилоъ дод, ки хизмат дар сафи қувваҳои мусаллаҳ- ин вазифа ва қарзи ҳар як шаҳрванди ба ору номус буда, ҳимояи марзу буми кишвар аз вазифаҳои муқаддаси ҷавонон ба шумор меравад.
Хушбахтона, дар натиҷаи дуруст ба роҳ мондани корҳои фаҳмондадиҳӣ маросими ҷалби ҷавонон ба сафи Артиши миллӣ дар ду соли охир 7-13 рӯз пештар аз муҳлати пешбинишуда ба анҷом мерасад. Ин нишондиҳанда, аз ҷумла аз баланд гардидани масъулият ва ҳисси баланди ватандӯстиву ватанпарварии ҷавонони бонангу номуси кишвар дарак медиҳад.
Аз комиссариатҳои ҳарбии вилоятҳои Мухтори кӯҳистони Бадахшон, Суғду Хатлон, шаҳри Душанбе ва шаҳру ноҳияҳои тобеи ҷумҳурӣ иттилоъ доданд, ки ҷавонон асосан барои хизмат дар сафи артиши миллӣ омодаанд ва ин маросим то 15 ноябри соли равон пурра ба анҷом мерасад.
Тибқи маълумоти комиссарони ҳарбӣ, аллакай зиёда за 1300 нафар ҷавонони бонангу номус омодаанд ихтиёрӣ ба хизмати ҳарбӣ сафарбар шаванд. Мавриди зикр аст, ки шаҳри Душанбе дар мавсими даъвати баҳорӣ намунаи ибрат буд.
Муовини Сарвазир махсус зикр кард, ки баъзан ҳолатҳои номатлуби ба таври иҳотагирӣ ва маҷбурӣ ба сафи артиши миллӣ овардани ҷавонон дар воситаҳои ахбори омма нашр мегарданд ва воқеият нишон медиҳад, ки онҳо на ҳама вақт тасдиқи худро меёбанд.
Новобаста аз ин ҳолат ба Сарпрокурори ҳарбӣ супориш дода шуд, ки назоратро ҷиҳати пешгирӣ ва аз байн бурдани чунин ҳолатҳои номатлуб дар доираи қонунҳои амалкунанда ба роҳ монанд ва ҷавононро ба сафи артиши миллӣ танҳо бо роҳи фаҳмондадиҳӣ ва бедор кардани нангу номуси ватандӯстиву ватанпарварӣ ҷалб намоянд.
Дар интиҳо муовини Сарвазир ба Вазорати мудофиа супориш дод, ки маълумотро вобаста ба ҷараёни иҷрои даъвати тирамоҳии ҷавонон ба сафи Артиши миллӣ мунтазам ба Ҳукумати Ҷумҳурии Тоҷикистон пешниҳод намоянд.
Дар шаҳри Норак бо падару модарони хонандагони муассисаҳои таълимӣ мулоқоти судманд доир шуд
Дар Хуҷанд мусобиқаи шаҳрии футбол барои Ҷоми Ҳизби Халқии Демократии Тоҷикистон ҷамъбаст гардид
Шумораи бабри барфӣ ё озодапаланг дар Маркази солимгардонӣ ва парваришгоҳи ноҳияи Мурғоб ба шаш сар расид
СОЛИ МАЪРИФАТИ ҲУҚУҚӢ. Риояи маърифати ҳуқуқӣ омили таҳкими пояҳои давлатдории миллӣ аст
Се хонандаи муассисаи таълимии деҳаи Саричашмаи ноҳияи Файзобод сазовори квотаи президентӣ гардид
Дар Суғд нахустин фестивали «СУҒД-КЛИМАТ-FEST» баргузор гардид
Имрӯз дар шаҳри Душанбе ҳаво 33 дараҷа гарм мешавад
Дар Донишгоҳи технологии Тоҷикистон намоиши маҳсулот ва ярмаркаи ҷойи кор барои хатмкунандагон баргузор шуд
«ТОБИСТОН-2024». Гурӯҳи корӣ бо вазъи омодагии «Маркази солимгардонии Суғд» барои истироҳати кӯдакон ва наврасон шинос гардид
Дар ноҳияи Рашт Рӯзи байналмилалии ҳифзи кӯдаконро ҷашн гирифтанд
Дар кӯдакистони «Ситора»-и назди Донишгоҳи давлатии Кӯлоб Рӯзи байналмилалии ҳифзи кӯдаконро ҷашн гирифтанд
Дар шаҳри Хуҷанд бахшида ба Рӯзи байналмилалии ҳифзи кӯдакон ҳамоиши бошукуҳи идона баргузор мегардад
