БА ЗИМИСТОН ОМОДА МЕШАВЕМ. Дар минтақаи Кӯлоб иншооти барқӣ аз таъмири асосӣ бароварда шуданд
КӮЛОБ, 27.09.2017 /АМИТ «Ховар»/. Ҳоло корҳои омодагӣ баҳри бе мушкилӣ паси сар намудани давраи тирамоҳу зимистони солҳои 2017-2018 дар ҳамаи корхонаю ташкилот ва муассисаҳо идома доранд. Шабакаҳои барқии минтақаи Кўлоб то имрӯз тамоми иншооти барқиро аз таъмири асосӣ бароварда, миқдори муайяни таҷҳизоти заруриро захира кардаанд. Шабакаҳои барқи минтақаи Кӯлоб ҳамаи шаҳру ноҳияҳои минтақа ва ду ноҳияи минтақаи Раштро бо барқ таъмин менамоянд. Ба хотири бомуваффақият паси сар намудани давраи тирамоҳу зимистони солҳои 2017-2018 кормандони шабакаҳои барқӣ бо дастгирии Ширкати холдингии “Барқи Тоҷик” трансформатору дигар таҷҳизоти барқиро дар анборҳо захира намуда, зеристгоҳ ва иншооти барқии дар тавозунашон бударо таъмир доранд. Ба гуфти масъулин, онҳо имсол корҳои таъмириро нисбат ба солҳои пешин барвақттар оғоз намуда, бо дастрасӣ ба қисмҳои эҳтиётӣ тавонистанд 90%-и зеристгоҳҳоро барои фаъолияти мунтазам омода созанд.
Дар шаҳри Кӯлоб зеристгоҳи нав ба истифода дода шуд, ки талафоти барқро коҳиш ва сарбории зеристгоҳҳоро кам намуд. Айни замон зеристгоҳи Хатлон, ки бо муосиртарин таҷҳизоти соҳавӣ муҷаҳҳаз шуда, аз ҷониби мутахассисони ҷавон идора мешавад, аҳолиро бо барқи хушсифат таъмин менамояд.
Бино ба иттилои кормандони шабакаҳои барқи минтақаи Кӯлоб, ҳоло корҳои таъмирӣ ва омодагӣ ба тирамоҳу зимистон идома доранд. Дар ин давра навбатдории шабонарӯзӣ, бригадаҳои иловагӣ ташкил карда шуда, сокинон бо барқ таъмин мегарданд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
