Боздиди ҳайати фарҳангӣ-соҳибкории Душанбе ва Санкт-Петербург аз хизматрасониҳои тиббӣ дар Маҷмааи тандурустии “Истиқлол”
ДУШАНБЕ, 27.09.2017 /АМИТ «Ховар»/. Дар доираи сафари ноиби Губернатори шаҳри Санкт-Петербург Анна Митянина ба Тоҷикистон 26 сентябр ҳайати фарҳангӣ-соҳибкории Душанбе ва Санкт-Петербург бо роҳбарии муовини Раиси шаҳри Душанбе Мавсума Муинӣ ва ноиби Губернатори шаҳри Санкт-Петербург Анна Митянина ба Муассисаи давлатии Маҷмааи тандурустии “Истиқлол” рафта, бо вазъи хизматрасонии ин муассисаи тандурустӣ шинос шуданд. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ “Ховар” хабар доданд.
Ба иттилои манбаъ, меҳмонон аз қисми ташхисгоҳ, ҳуҷраи томографияи компютерӣ ва рентген, ҳуҷраи техникӣ, ҳуҷраи муоинаи маммографӣ, идорагоҳ, шуъбаи ангиография, қисми ҷарроҳии нақшавӣ, ҳуҷраи баъд аз ҷарроҳӣ, толори осебшиносию радодӣ, толори ҷарроҳии асаб, толори ҷарроҳии умумӣ, ҳуҷраи ҷарроҳии дилу рагҳои хунгард, шуъбаи наҷот ва муолиҷаҳои оҷил, толори варзишӣ, ташхиси фаросавтӣ, озмоишгоҳи клиникӣ ва биокимиёвӣ, инчунин аз қисми таваллудхона ва қисми соматикии кӯдакона дидан намуданд.
Зимни боздид Анна Митянина дастгоҳу таҷҳизоти тиббии Маҷмааи тандурустии “Истиқлол”-ро нодир муаррифӣ намуда, ба вазъи хизматрасонии он баҳои баланд дод.
Имрӯз дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
