Дар Алмаато масъалаи омодасозии мутахассисон оид ба пешгирии ҷиноятҳои тавассути воситаҳои коммуникатсионӣ ва иттилоотӣ содиршаванда баррасӣ гардид
ДУШАНБЕ, 22.09.2017 /АМИТ «Ховар»/. Дар шаҳри Алмаатои Ҷумҳурии Қазоқистон машварати навбатии роҳбарони муассисаҳои таълимии махсуси Ассотсиатсияи мактабҳои олии Вазорати корҳои дохилӣ ва политсияи давлатҳо-иштирокчиёни Иттиҳоди давлатҳои мустақил баргузор гардид. Ҷумҳурии моро дар машварат сардори Академияи Вазорати корҳои дохилии Ҷумҳурии Тоҷикистон Файзалӣ Шарифзода намояндагӣ намуд.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар ҷаласа намояндагони Академияи идоракунии Федератсияи Россия, Академияи ВКД ҷумҳуриҳои Тоҷикистон, Арманистон, Қазоқистон, Беларус ва Қирғизистон ширкат доштанд.
Зимни машварат масъалаҳое, ки имрӯз дар фаъолияти мақомоти корҳои дохилӣ оид ба омода намудани мутахассисон ҷой доранд, баррасӣ шуданд. Аз ҷумла, масъалаи омода намудани мутахассисон дар самти ошкор ва пешгирии ҷиноятҳое, ки тавассути воситаҳои техникаи коммуникатсионӣ ва иттилоотӣ содир мешаванд ва нарасидани мутахассисон дар ин соҳа мавриди баррасӣ қарор гирифта, оид ба он таклифҳои судманд пешниҳод гардид.
Ба иттилои манбаъ, дар машварат байни Академияи ВКД Ҷумҳурии Тоҷикистон ва Академияи ВКД Ҷумҳурии Қазоқистон Созишнома оид ба ҳамкорӣ дар соҳаи маориф ва фаъолияти илмӣ ба имзо расонида шуд.
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
Имрӯз дар баъзе ноҳияҳои Тоҷикистон борони кӯтоҳмуддат меборад
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
