Дар Файзободи Афғонистон 26-умин солгарди Истиқлоли давлатии Ҷумҳурии Тоҷикистонро таҷлил карданд
ДУШАНБЕ, 12.09.2017 /АМИТ «Ховар»/. Маросими ҷашни 26-солагии Истиқлолияти давлатии Ҷумҳурии Тоҷикистон бо иштироки як зумра роҳбарони вилояти Бадахшони Ҷумҳурии Исломии Афғонистон, тоҷикони муқими ҳавзаи консулӣ, аъзои Анҷумани форсизабонон ва тоҷикони ҷаҳон, намояндагони ташкилотҳои байналмилалӣ, аҳли ҳунар ва фарҳанг дар бинои Консулгарӣ баргузор гардид.
Дар ин бора ба АМИТ “Ховар” аз Вазорати корҳои хориҷии Ҷумҳурии Тоҷикистон хабар доданд.
Дар маҳфил баъди садо додани суруди миллӣ дар бораи дастовардҳои замони Истиқлоли давлатии Ҷумҳурии Тоҷикистон ва саҳми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ростои эҳёи давлатдории муосири тоҷикон ба ҳозирин маълумоти муфассал пешниҳод гардид.
Дар бахши дигари суханронӣ муносибатҳои рӯ ба рушди Тоҷикистон ва Афғонистон бозтоб ёфта, изҳори назар шуд, ки “Президенти Тоҷикистон дар кулли суханрониҳояшон таъкид менамоянд, ки самти ҳамкорӣ бо Афғонистон дар феҳрасти авлавиятҳои сиёсати хориҷии кишвари мо қарор дорад ва зербинои онро усули ҳамсоягии нек ташкил медиҳад”.
Дар маҳфил волии Бадахшон Аҳмад Файсали Бегзод ва намояндаи Вазорати корҳои хориҷии ҶИА дар вилоят сухан гуфтанд.
Дар ҷараёни баргузории ҷашн намоиши ҳунарҳои миллӣ ва “Гӯшаи Тоҷикистон” бо пешниҳоди китобҳои Президенти Ҷумҳурии Тоҷикистон баргузор гардид.
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
