Дар маркази маъмурии вилояти Хатлон оид ба нақши ҷавонон дар соҳаи илм конференсияи илмӣ-назариявӣ доир шуд
ҚӮРҒОНТЕППА, 30.09.2017 /АМИТ «Ховар»/. Дар шаҳри Қӯрғонтеппа бахшида ба Соли ҷавонон бо ибтикори Кумитаи кор бо ҷавонон ва варзиши назди Ҳукумати Чумҳурии Тоҷикистон ва Вазорати корҳои дохилии Ҷумҳурии Тоҷикистон конференсияи чумҳуриявии илмӣ-назариявӣ ва амалӣ дар мавзӯи «Пайравӣ аз Пешвои миллат: нақши ҷавонон дар рушди ҷанбаҳои гуногуни сиёсӣ» баргузор гардид. Дар ин бора аз мақомоти иҷроияи ҳокимияти давлатии шаҳр ба АМИТ «Ховар» хабар доданд.
Конференсия ду рӯз идома ёфта, дар кори он раиси Кумитаи кор бо ҷавонон ва варзиши назди Ҳукумати Чумҳурии Тоҷикистон Аҳтам Абдуллозода, муовини раиси вилояти Хатлон Махфират Хидирзода, олимони ҷавон, муҳаққиқон ва дорандагони Ҷоизаи ба номи Исмоили Сомонӣ дар соҳаи илм иштирок намуданд.
Дар доираи конференсия намоиши дастовардҳои олимони ҷавон муаррифӣ гардида, корҳои амалӣ дар бахшҳои гуногун идома ёфтанд. Зикр шуд, ки муҳаққиқон ва ихтироъкорони ҷавони вилоят дар Соли ҷавонон дар бисёр самтҳо ба дастовардҳои назаррас ноил гардидаанд.
Иштирокчиёни конференсия ҳамзамон аз мавзеъҳои таърихии навоҳии Бохтару Хуросон ва шаҳри Қӯрғонтеппа дидан намуданд.
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
