Дар шаҳри Хоруғ Форуми байналмилалии «Помир Инвест» баргузор шуд
ХОРУҒ, 18.09.2017 /АМИТ «Ховар»/. Дар шаҳри Хоруғ Форуми байналмилалии «Помир Инвест» бо ширкати намояндагони вазорату кумитаҳои марбутаи ҷумҳурӣ ва соҳибкорону сармоягузорони ватанию хориҷӣ баргузор гардид.
Тавре сардори Раёсати рушди иқтисод ва савдои мақомоти маҳаллии ҳокимияти давлатии вилояти Бадахшон Латиф Шоҳзодаев дар суҳбат бо хабарнигори АМИТ «Ховар» иброз намуд, мақсади асосии форум рушди соҳаи соҳибкорӣ, ҷалби сармояи дохилию хориҷӣ ба иқтисоди вилоят ва бунёди корхонаҳои муштараки истеҳсолӣ дар заминаи маҳсулоти маҳаллӣ мебошад.
Ба гуфтаи номбурда, «дар вилояти Бадахшон барои ба кор андохтани корхонаҳои коркарди пашму пӯст, меваю сабзавот, обҳои минералӣ, сангҳои ороишӣ шароити мусоид мавҷуд аст, аммо на ҳамаи соҳибкорони ватанӣ ба бунёди чунин корхонаҳо ҷуръат мекунанд, зеро маблағи кофӣ надоранд. Аз ин рӯ Ҳукумати кишвар барои афзоиши шумораи корхонаву коргоҳҳои истеҳсолӣ ва бунёди марказҳои рушди сайёҳӣ дар ҳамкорӣ бо ширкатҳои хориҷӣ ин форумро доир кард».
Муовини раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода зимни ироаи маъруза баён дошт, ки «Вилояти Мухтори Кӯҳистони Бадахшон барои рушди сайёҳӣ замина ва имконоти назаррас дорад. Барои мо танҳо зарур аст, ки дар шаҳру деҳоти дуру наздик шумораи марказҳои муосири хизматрасонӣ ба сайёҳону меҳмононро зиёдтар намоем. Дар беҳбуди марказҳои фароғатию фарҳангӣ, осорхонаву мавзеъҳои таърихӣ бояд ҳарчӣ бештар соҳибкорони ватанӣ ҷалб карда шаванд. Президенти Ҷумҳурии Тоҷикистон дар сафари худ ба ноҳияи Дарвоз соҳаи сайёҳиро яке аз соҳаҳои афзалиятноки ҷумҳурӣ унвон карда, нақши соҳибкорони ватаниро дар рушди риштаи ҷаҳонгардӣ муҳим арзёбӣ карданд. Дар мулоқот бо сокинони ин ноҳия Пешвои миллат изҳор доштанд, ки баробари таҷдиду навсозии роҳҳо, бунёди инфрасохтори сайёҳӣ ва беҳсозии сатҳу сифати хизматрасонӣ шумораи меҳмонони хориҷӣ ба ин мавзеи зебоманзари диёрамон бештар хоҳад гардид. Дар ин самт баробари маблағгузориҳои давлатӣ, инчунин соҳибкорони ватанӣ низ бояд кӯшиш намоянд».
Форуми байналмилалии «Помир Инвест» ду рӯз идома ёфта, дар фарҷом байни соҳибкорони ватанӣ ва намояндагони корхонаву ширкатҳои хориҷӣ шартномаи ҳамкорӣ баста шуд.
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Имрӯз дар шаҳри Душанбе ҳаво то 37 дараҷа гарм мешавад
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
Дар қаламрави Тоҷикистон заминларза ба амал омад
