Дар Япония 26-умин солгарди Истиқлолияти давлатии Ҷумҳурии Тоҷикистон таҷлил гардид
ДУШАНБЕ, 18.09.2017 /АМИТ «Ховар»/. Сафорати Ҷумҳурии Тоҷикистон дар Япония ба муносибати 26-умин солгарди Рӯзи Истиқлолияти давлатии Ҷумҳурии Тоҷикистон ва 25-умин солгарди барпо намудани робитаҳои дипломатӣ байни Ҷумҳурии Тоҷикистон ва Япония ҷамъомади расмӣ доир намуд.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар ҳамоиш ба сифати меҳмони расмӣ Вазири давлатии корҳои хориҷӣ Масаҳиса Сато — намояндаи Ҳукумати Япония иштирок намуд.
Ҳамчунин дар ҳамоиш муовини парлумонии Вазири корҳои дохилӣ ва коммуникатсия Ямада Шуҷи ва вакили палатаи болоии Парлумони Япония — узви Гурӯҳи дӯстии байнипарлумонӣ миёни Тоҷикистон ва Япония Кейзо Такэми иштирок намуданд. Дар қабули расмӣ намояндагони ҳукуматӣ, роҳбарони воҳидҳои сохтории Вазорати корҳои хориҷии Япония, Агентии Япония оид ба ҳамкории байналмилалӣ (JICA), зиёиён, соҳибкорон, намояндагони ҷамъияти дӯстии Тоҷикистону Япония, воситаҳои ахбори омма, инчунин ҳамватанон — устоди донишгоҳ ва донишҷӯён, ки айни замон дар Япония ба таҳсил машғул мебошанд, ширкат намуданд.
Сафири Фавқулода ва Мухтори Ҷумҳурии Тоҷикистон дар Япония Ҳамрохон Зарифӣ аз дастовардҳои даврони соҳибистиқлолӣ ва арзиши таърихии истиқлолияти давлатӣ ёдовар шуда, авлавиятҳои сиёсати хориҷии Ҷумҳурии Тоҷикистон ва аҳамияти воситаҳои мавҷудаи ҳамкорӣ барои рушди минбаъдаи муносибатҳои Тоҷикистону Японияро баррасӣ намуд.
Намояндаи расмии Япония- Вазири давлатии корҳои хориҷӣ Масаҳиса Сато аз номи Япония табрикот ва таманниёти некро ба муносибати ҷашни Истиқлолияти давлатии Ҷумҳурии Тоҷикистон ва 25-умин солгарди истиқрори робитаҳои дипломатӣ байни Ҷумҳурии Тоҷикистон ва Япония иброз намуд. Аз ҷумла, Масаҳиса Сато нақши муҳими Тоҷикистонро дар таъмини амният ва суботи иҷтимоиву иқтисодии минтақа таъкид намуда, дастовардҳои муносибатҳои дӯстонаи дуҷониба ва бисёрҷонибаи Тоҷикистону Японияро зикр кард ва даъват ба амал овард, то муносибатҳо бо истифода аз имкониятҳои мавҷудаи рушди ҳамкорӣ густариш ёбанд. Вазири давлатӣ ҳамчунин аз хотираҳои неки сафари худ ба Тоҷикистон дар соли 2014, ки ҳайати расмии палатаи болоии Парлумони Японияро роҳбарӣ намуда буд, ёдовар шуд.
Дар ҳамоиш меҳмонон тавонистанд бо суннатҳои меҳмоннавозӣ, дӯстӣ ва некхоҳии анъанавии тоҷикон шинос шаванд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
